헬라어 문장 검색 - Πλυταρ́Ξατοτηέ43́

(플루타르코스, Cato the Younger, chapter 43)

ὡσ δὲ πολλὰ λέγων καὶ διδάσκων καὶ προθεσπίζων κατανάλωσε τὸν χρόνον, οὐκέτι λέγειν αὐτὸν εἰών, ἀλλ’ ἐπιμένοντα κατέσπασεν ὑπηρέτησ προσελθών. ὡσ δὲ καὶ κάτωθεν ἱστάμενοσ ἐβόα καὶ τοὺσ ἀκούοντασ καὶ συναγανακτοῦντασ εἶχε, πάλιν ὁ ὑπηρέτησ ἐπιλαβόμενοσ καὶ ἀγαγὼν αὐτὸν ἔξω τῆσ ἀγορᾶσ κατέστησε, καὶ οὐκ ἔφθη πρῶτον ἀφεθείσ, καὶ πάλιν ἀναστρέψασ ἱέτο πρὸσ τὸ βῆμα μετὰ κραυγῆσ ἐγκελευόμενοσ τοῖσ πολίταισ ἀμύνειν. πολλάκισ δὲ τούτου γενομένου περιπαθῶν ὁ Τρεβώνιοσ ἐκέλευσεν αὐτὸν εἰσ τὸ δεσμωτήριον ἄγεσθαι καὶ πλῆθοσ ἐπηκολούθει λέγοντοσ ἅμα σὺν τῷ βαδίζειν ἀκροώμενον, ὥστε δείσαντα τὸν Τρεβώνιον ἀφεῖναι.

κἀκείνην μὲν οὕτω τὴν ἡμέραν ὁ Κάτων κατανάλωσε·

ταῖσ δ’ ἐφεξῆσ οὓσ μὲν δεδιξάμενοι τῶν πολιτῶν, οὓσ δὲ συσκευασάμενοι χάρισι καὶ δωροδοκίαισ, ἕνα δὲ τῶν δημάρχων Ἀκύλλιον ὅπλοισ εἴρξαντεσ ἐκ τοῦ βουλευτηρίου προελθεῖν, αὐτὸν δὲ τὸν Κάτωνα βροντὴν γεγονέναι βοῶντα τῆσ ἀγορᾶσ ἐκβαλόντεσ, οὐκ ὀλίγουσ δὲ τρώσαντεσ, ἐνίων δὲ καὶ πεσόντων, βίᾳ τὸν νόμον ἐκύρωσαν, ὥστε πολλοὺσ συστραφέντασ ὀργῇ τοὺσ Πομπηϊού βάλλειν ἀνδριάντασ, ἀλλὰ τοῦτο μὲν ἐπελθὼν ὁ Κάτων διεκώλυσε· τῷ δὲ Καίσαρι πάλιν νόμου γραφομένου περὶ τῶν ἐπαρχιῶν καὶ τῶν στρατοπέδων, οὐκέτι πρὸσ τὸν δῆμον ὁ Κάτων, ἀλλὰ πρὸσ αὐτὸν τραπόμενοσ Πομπήϊον ἐμαρτύρατο καὶ προὔλεγεν ὡσ ἐπὶ τὸν αὑτοῦ τράχηλον ἀναλαμβάνων Καίσαρα νῦν μὲν οὐκ οἶδεν, ὅταν δὲ ἄρχηται βαρύνεσθαι καὶ κρατεῖσθαι μήτε ἀποθέσθαι δυνάμενοσ μήτε φέρειν ὑπομένων, εἰσ τὴν πόλιν ἐμπεσεῖται σὺν αὐτῷ, καὶ μεμνήσεται τότε τῶν Κάτωνοσ παραινέσεων, ὡσ οὐδὲν ἧττον ἐν αὐταῖσ τὸ Πομπηϊού συμφέρον ἐνῆν ἢ τὸ καλὸν καὶ δίκαιον.

ταῦτα πολλάκισ ἀκούων ὁ Πομπήϊοσ ἠμέλει καὶ παρέπεμπεν ἀπιστίᾳ τῆσ Καίσαροσ μεταβολῆσ διὰ πίστιν εὐτυχίασ τῆσ ἑαυτοῦ καὶ δυνάμεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 43

(플루타르코스, Cato the Younger, chapter 43)

상위

목록

SEARCH

MENU NAVIGATION