헬라어 문장 검색 - Πλυταρ́Ξατοτηέ19́

(플루타르코스, Cato the Younger, chapter 19)

εἰσ δὲ σύγκλητον εἰσῄει τε πρῶτοσ καὶ τελευταῖοσ ἀπηλλάττετο· πολλάκισ δὲ τῶν ἄλλων σχολῇ συναγομένων καθεζόμενοσ ἀνεγίνωσκεν ἡσυχῇ, τὸ ἱμάτιον τοῦ βιβλίου προϊσχόμενοσ. ἀπεδήμησε δὲ οὐδέποτε βουλῆσ γενομένησ, ἐπεὶ δὲ ὕστερον οἱ περὶ Πομπήϊον ἑώρων αὐτὸν ἐν οἷσ ἐσπούδαζον ἀδίκωσ ἀμετάπειστον καὶ δυσεκβίαστον ἀεί, διεμηχανῶντο φιλικαῖσ τισι συνηγορίαισ ἢ διαίταισ ἢ πραγματείαισ ἔξω περισπᾶν. συνεὶσ οὖν ταχὺ τὴν ἐπιβουλὴν ἀπεῖπε πᾶσι καὶ παρετάξατο βουλῆσ ἀγομένησ μηδὲν ἄλλο πράττειν. οὔτε γὰρ δόξησ χάριν οὔτε πλεονεξίασ οὔτε αὐτομάτωσ καὶ κατὰ τύχην, ὥσπερ ἕτεροί τινεσ, ἐμπεσὼν εἰσ τὸ πράττειν τὰ τῆσ πόλεωσ, ἀλλ’ ὡσ ἴδιον ἔργον ἀνδρὸσ ἀγαθοῦ τὴν πολιτείαν ἑλόμενοσ, μᾶλλον ᾤετο δεῖν προσέχειν τοῖσ κοινοῖσ ἢ τῷ κηρίῳ τὴν μέλιτταν, ὅσ γε καὶ τὰ τῶν ἐπαρχιῶν πράγματα καὶ δόγματα καὶ κρίσεισ καὶ πράξεισ τὰσ μεγίστασ ἔργον πεποίητο διὰ τῶν ἑκασταχόθι ξένων καὶ φίλων πέμπεσθαι πρὸσ αὐτόν.

ἐκ τούτου μεγάλη δόξα περὶ αὐτὸν ἦν, ὥστε ῥήτορα μὲν, δίκῃ τινὶ μαρτυρίασ μιᾶσ φερομένησ, εἰπεῖν πρὸσ τοὺσ δικαστάσ ὡσ ἑνὶ μαρτυροῦντι προσέχειν, οὐδὲ Κάτωνι, καλῶσ ἔχει, πολλοὺσ δὲ ἤδη περὶ τῶν ἀπίστων καὶ παραδόξων, ὥσπερ ἐν παροιμίᾳ τινὶ, λέγειν ὅτι τοῦτο μὲν οὐδὲ Κάτωνοσ λέγοντοσ πιθανόν ἐστι.

"τίσ ἀνέξεταί σου δειπνοῦντοσ μὲν ὡσ Λευκόλλου, οἰκοδομοῦντοσ δὲ ὡσ Κράσσου, δημηγοροῦντοσ δὲ ἡμῖν ὡσ Κάτωνοσ;

καὶ τῶν ἄλλων δὲ τοὺσ φαύλουσ καὶ ἀκολάστουσ, τοῖσ λόγοισ δὲ σεμνοὺσ καὶ αὐστηρούσ χλευάζοντεσ ἐκάλουν Κάτωνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 19

(플루타르코스, Cato the Younger, chapter 19)

상위

목록

SEARCH

MENU NAVIGATION