헬라어 문장 검색 - Πινδαρ́ΟδεσΓρέ4́08́

(핀다르, Odes, isthmian odes, isthmian 8 ΚΛΕΑΝΔΡῼ ΑΙΓΙΝΗΤῌ ΠΑΓΚΡΑΤΙῼ)

Κλεάνδρῳ τισ ἁλικίᾳ τε λύτρον εὔδοξον, ὦ νέοι, καμάτων πατρὸσ ἀγλαὸν Τελεσάρχου παρὰ πρόθυρον ἰὼν ἀνεγειρέτω κῶμον, Ἰσθμιάδοσ τε νίκασ ἄποινα, καὶ Νεμέᾳ ἀέθλων ὅτι κράτοσ ἐξεῦρε. τῷ καὶ ἐγώ, καίπερ ἀχνύμενοσ θυμόν, αἰτέομαι χρυσέαν καλέσαι Μοῖσαν.

ἐκ μεγάλων δὲ πενθέων λυθέντεσ μήτ’ ἐν ὀρφανίᾳ πέσωμεν στεφάνων, μήτε κάδεα θεράπευε· παυσάμενοι δ’ ἀπρήκτων κακῶν γλυκύ τι δαμωσόμεθα καὶ μετὰ πόνον· ἐπειδὴ τὸν ὑπὲρ κεφαλᾶσ τὸν Ταντάλου λίθον παρά τισ ἔτρεψεν ἄμμι θεόσ, ἀτόλματον Ἑλλάδι μόχθον.

ἀλλά μοι δεῖμα μὲν παροιχόμενον καρτερὰν ἔπαυσε μέριμναν·

τὸ δὲ πρὸ ποδὸσ ἄρειον ἀεὶ <σκοπεῖν> χρῆμα πᾶν. δόλιοσ γὰρ αἰὼν ἐπ’ ἀνδράσι κρέμαται, ἑλίσσων βίου πόρον· ἰατὰ δ’ ἔστι βροτοῖσ σύν γ’ ἐλευθερίᾳ καὶ τά.

χρὴ δ’ ἀγαθὰν ἐλπίδ’ ἀνδρὶ μέλειν· ὁπλόταται, Ζηνί τε ἅδον βασιλέϊ.

ὃ τὰν μὲν παρὰ καλλιρόῳ Δίρκᾳ φιλαρμάτου πόλιοσ ᾤκισσεν ἁγεμόνα· σὲ δ’ ἐσ νᾶσον Οἰνοπίαν ἐνεγκὼν κοιμᾶτο, δῖον ἔνθα τέκεσ Αἰακὸν βαρυσφαράγῳ πατρὶ κεδνότατον ἐπιχθονίων·

ὃ καὶ δαιμόνεσσι δίκασ ἐπείραινε· τοῦ μὲν ἀντίθεοι ἀρίστευον υἱέεσ υἱέων τ’ ἀρηί̈φιλοι παῖδεσ ἀνορέᾳ χάλκεον στονόεντ’ ἀμφέπειν ὅμαδον·

σώφρονέσ τ’ ἐγένοντο πινυτοί τε θυμόν. ταῦτα καὶ μακάρων ἐμέμναντ’ ἀγοραί, Ζεὺσ ὅτ’ ἀμφὶ Θέτιοσ ἀγλαόσ τ’ ἔρισαν Ποσειδᾶν γάμῳ, ἄλοχον εὐειδέ’ ἐθέλων ἑκάτεροσ ἑὰν ἔμμεν· ἔρωσ γὰρ ἔχεν.

ἀλλ’ οὔ σφιν ἄμβροτοι τέλεσαν εὐνὰν θεῶν πραπίδεσ, ἐπεὶ θεσφάτων ἐπάκουσαν· εἶπε δ’ εὔβουλοσ ἐν μέσοισι Θέμισ, οὕνεκεν πεπρωμένον ἦν φέρτερον γόνον ἄνακτα πατρὸσ τεκεῖν ποντίαν θεόν, ὃσ κεραυνοῦ τε κρέσσον ἄλλο βέλοσ διώξει χερὶ τριόδοντόσ τ’ ἀμαιμακέτου, Δί τε μισγομέναν ἢ Διὸσ παρ’ ἀδελφεοῖσιν.

‐ "ἀλλὰ τὰ μὲν παύσατε·

υἱὸν εἰσιδέτω θανόντ’ ἐν πολέμῳ, χεῖρασ Ἄρεί̈ <τ’> ἐναλίγκιον στεροπαῖσί τ’ ἀκμὰν ποδῶν.

τὸ μὲν ἐμὸν Πηλέϊ γάμου θεόμορον ὀπάσσαι γέρασ Αἰακίδᾳ, ὅντ’ εὐσεβέστατον φάτισ Ιὠλκοῦ τράφειν πεδίον· ἰόντων δ’ ἐσ ἄφθιτον ἄντρον εὐθὺσ Χείρωνοσ αὐτίκ’ ἀγγελίαι·

μηδὲ Νηρέοσ θυγάτηρ νεικέων πέταλα δὶσ ἐγγυαλιζέτω ἄμμιν·

ἐν διχομηνίδεσσιν δὲ ἑσπέραισ ἐρατὸν λύοι κεν χαλινὸν ὑφ’ ἡρ́ωϊ παρθενίασ. " ὣσ φάτο Κρονίδαισ ἐννέποισα θεά·

τοὶ δ’ ἐπὶ γλεφάροισ νεῦσαν ἀθανάτοισιν· ἐπέων δὲ καρπὸσ οὐ κατέφθινε. φαντὶ γὰρ ξύν’ ἀλέγειν καὶ γάμον Θέτιοσ ἄνακτα. καὶ νεαρὰν ἔδειξαν σοφῶν στόματ’ ἀπείροισιν ἀρετὰν Ἀχιλέοσ· γεφύρωσέ τ’ Ἀτρεί̈δαισι νόστον, Ἑλέναν τ’ ἐλύσατο, Τρωί̈ασ ἶνασ ἐκταμὼν δορί, ταί νιν ῥύοντό ποτε μάχασ ἐναριμβρότου ἔργον ἐν πεδίῳ κορύσσοντα, Μέμνονόσ τε βίαν ὑπέρθυμον Ἕκτορά τ’ ἄλλουσ τ’ ἀριστέασ·

οἷσ δῶμα Φερσεφόνασ μανύων Ἀχιλεύσ, οὖροσ Αἰακιδᾶν, Αἴγιναν σφετέραν τε ῥίζαν πρόφαινεν.

τὸν μὲν οὐδὲ θανόντ’ ἀοιδαὶ ἔλιπον, ἀλλά οἱ παρά τε πυρὰν τάφον θ’ Ἑλικώνιαι παρθένοι στάν, ἐπὶ θρῆνόν τε πολύφαμον ἔχεαν. ἔδοξ’ ἆρα τόδ’ ἀθανάτοισ, ἐσλόν γε φῶτα καὶ φθίμενον ὕμνοισ θεᾶν διδόμεν.

τὸ καὶ νῦν φέρει λόγον, ἔσσυταί τε Μοισαῖον ἁρ́μα Νικοκλέοσ μνᾶμα πυγμάχου κελαδῆσαι.

γεραίρετέ νιν, ὃσ Ἴσθμιον ἂν νάποσ Δωρίων ἔλαχεν σελίνων· ἐπεὶ περικτίονασ ἐνίκασε δή ποτε καὶ κεῖνοσ ἄνδρασ ἀφύκτῳ χερὶ κλονέων. τὸν μὲν οὐ κατελέγχει κριτοῦ γενεὰ πατραδελφεοῦ·

ἁλίκων τῷ τισ ἁβρὸν ἀμφὶ παγκρατίου Κλεάνδρῳ πλεκέτω μυρσίνασ στέφανον, ἐπεί νιν Ἀλκαθόου τ’ ἀγὼν σὺν τύχᾳ ἐν Ἐπιδαύρῳ τε νεότασ δέκετο πρίν· τὸν αἰνεῖν ἀγαθῷ παρέχει·

ἥβαν γὰρ οὐκ ἄπειρον ὑπὸ χειᾷ καλῶν δάμασεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, isthmian odes, isthmian 8 ΚΛΕΑΝΔΡῼ ΑΙΓΙΝΗΤῌ ΠΑΓΚΡΑΤΙῼ

(핀다르, Odes, isthmian odes, isthmian 8 ΚΛΕΑΝΔΡῼ ΑΙΓΙΝΗΤῌ ΠΑΓΚΡΑΤΙῼ)

상위

목록

SEARCH

MENU NAVIGATION