헬라어 문장 검색 - Διογεν́Λιϝεσοφ́4́01́

(디오게네스 라에르티오스, Lives of Eminent Philosophers, D, Kef. a'. SPEUSIPPOS)

τὰ μὲν περὶ Πλάτωνοσ τοσαῦτα ἦν ἐσ τὸ δυνατὸν ἡμῖν συναγαγεῖν, φιλοπόνωσ διειλήσασι τὰ λεγόμενα περὶ τἀνδρόσ. διεδέξατο δ’ αὐτὸν Σπεύσιπποσ Εὐρυμέδοντοσ Ἀθηναῖοσ, τῶν μὲν δήμων Μυρρινούσιοσ, υἱὸσ δὲ τῆσ ἀδελφῆσ αὐτοῦ Πωτώνησ. καὶ ἐσχολάρχησεν ἔτη ὀκτώ, ἀρξάμενοσ ἀπὸ τῆσ ὀγδόησ καὶ ἑκατοστῆσ Ὀλυμπιάδοσ· Χαρίτων τ’ ἀγάλματ’ ἀνέθηκεν ἐν τῷ μουσείῳ τῷ ὑπὸ Πλάτωνοσ ἐν Ἀκαδημείᾳ ἱδρυθέντι. καὶ ἔμεινε μὲν ἐπὶ τῶν αὐτῶν Πλάτωνι δογμάτων· οὐ μὴν τό γ’ ἦθοσ διέμεινε τοιοῦτοσ. καὶ γὰρ ὀργίλοσ καὶ ἡδονῶν ἥττων ἦν. φασὶ γοῦν αὐτὸν ὑπὸ θυμοῦ τὸ κυνίδιον εἰσ τὸ φρέαρ ῥῖψαι καὶ ὑφ’ ἡδονῆσ ἐλθεῖν εἰσ Μακεδονίαν ἐπὶ τὸν Κασάνδρου γάμον. Ἐλέγοντο δὲ αὐτοῦ καὶ αἱ Πλάτωνοσ ἀκούειν μαθήτριαι, Λασθένειά τε ἡ Μαντινικὴ καὶ Ἀξιοθέα ἡ Φλιασία.

ὅτε καὶ Διονύσιοσ πρὸσ αὐτὸν γράφων τωθαστικῶσ φησι· "καὶ ἐκ τῆσ Ἀρκαδικῆσ σου μαθητρίασ ἔστι καταμαθεῖν τὴν σοφίαν. καὶ Πλάτων μὲν ἀτελεῖσ φόρων τοὺσ παρ’ αὐτὸν φοιτῶντασ ἐποίει· σὺ δὲ δασμολογεῖσ καὶ παρ’ ἑκόντων καὶ ἀκόντων λαμβάνεισ. " οὗτοσ πρῶτοσ, καθά φησι Διόδωροσ ἐν Ἀπομνημονευμάτων πρώτῳ, ἐν τοῖσ μαθήμασιν ἐθεάσατο τὸ κοινὸν καὶ συνῳκείωσε καθόσον ἦν δυνατὸν ἀλλήλοισ· καὶ πρῶτοσ παρὰ Ἰσοκράτουσ τὰ καλούμενα ἀπόρρητα ἐξήνεγκεν, ὥσ φησι Καινεύσ. καὶ πρῶτοσ εὑρ͂εν ᾧ τὰ φορμία τῶν φρυγάνων εὐόγκα ποιοῦσιν. Ἤδη δὲ ὑπὸ παραλύσεωσ καὶ τὸ σῶμα διέφθαρτο, καὶ πρὸσ Ξενοκράτην διεπέμπετο παρακαλῶν αὐτὸν ἐλθεῖν καὶ τὴν σχολὴν διαδέξασθαι.

φασὶ δὲ αὐτὸν ἐπ’ ἀμαξίου φερόμενον εἰσ τὴν Ἀκαδημείαν συναντῆσαι Διογένει καὶ Χαῖρε εἰπεῖν· τὸν δὲ φάναι, "ἀλλὰ μὴ σύ γε, ὅστισ ὑπομένεισ ζῆν τοιοῦτοσ ὤν. " καὶ τέλοσ ὑπὸ ἀθυμίασ ἑκὼν τὸν βίον μετήλλαξε γηραιὸσ ὤν. καὶ ἔστιν ἡμῶν εἰσ αὐτόν· ἀλλ’ εἰ μὴ Σπεύσιππον ἐμάνθανον ὧδε θανεῖσθαι, οὐκ ἂν ἔπεισέ μέ τισ τόδε λέξαι· ὡσ ἦν οὐχὶ Πλάτωνι πρὸσ αἵματοσ· οὐ γὰρ ἀθυμῶν κάτθανεν ἂν διά τι σφόδρα μικρόν. Πλούταρχοσ δέ φησιν ἐν τῷ Λυσάνδρου βίῳ καὶ Σύλλα φθειρσὶν ἐκζέσαι αὐτόν.

ἦν δὲ καὶ τὸ σῶμα διακεχυμένοσ, ὥσ φησι Τιμόθεοσ ἐν τῷ Περὶ βίων. οὗτοσ, φησί, πρὸσ τὸν ἐρῶντα πλούσιον ἀμόρφου ἔφη, "τί δέ σοι δεῖ τούτου; ἐγὼ γάρ σοι δέκα ταλάντων εὐμορφοτέραν εὑρήσω. " Καταλέλοιπε δὲ πάμπλειστα ὑπομνήματα καὶ διαλόγουσ πλείονασ, ἐν οἷσ καὶ Ἀρίστιππον τὸν Κυρηναῖον. Περὶ πλούτου α’. Περὶ ἡδονῆσ α’. Περὶ δικαιοσύνησ α’. Περὶ φιλοσοφίασ α’. Περὶ φιλίασ α’. Περὶ θεῶν α’. Φιλόσοφοσ α’. Πρὸσ Κέφαλον α’. Κέφαλοσ α’. Κλεινόμαχοσ ἢ Λυσίασ α’. Πολίτησ α’. Περὶ ψυχῆσ α’. Πρὸσ Γρύλλον α’. Ἀρίστιπποσ α’.

Τεχνῶν ἔλεγχοσ α’. Ὑπομνηματικοὶ διάλογοι. Τεχνικὸν α’. Διάλογοι τῶν περὶ τὴν πραγματείαν ὁμοίων α’ β’ γ’ δ’ ε’ σ’ ζ’ η θ’ ι’. Διαιρέσεισ καὶ πρὸσ τὰ ὅμοια ὑποθέσεισ. Περὶ γενῶν καὶ εἰδῶν παραδειγμάτων. Πρὸσ τὸν Ἀμάρτυρον. Πλάτωνοσ ἐγκώμιον. Ἐπιστολαὶ πρὸσ Δίωνα, Διονύσιον, Φίλιππον. Περὶ νομοθεσίασ. Μαθηματικόσ. Μανδρόβολοσ. Λυσίασ. Ὅροι. Τάξεισ ὑπομνημάτων. Στίχοι τρεῖσ καὶ τετρακισμύριοι τεσσαρακόσιοι ἑβδομήκοντα πέντε. πρὸσ τοῦτον γράφει καὶ Τιμωνίδησ τὰσ ἱστορίασ, ἐν αἷσ κατέταξε τὰσ πράξεισ Δίωνόσ τε καὶ Βίωνοσ. φησὶ δὲ καὶ Φαβωρῖνοσ ἐν δευτέρῳ Ἀπομνημονευμάτων ὡσ Ἀριστοτέλησ αὐτοῦ τὰ βιβλία τριῶν ταλάντων ὠνήσατο. Γέγονε Σπεύσιπποσ καὶ ἕτεροσ, ἰατρὸσ Ἡροφίλειοσ Ἀλεξανδρεύσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, D, Kef. a'. SPEUSIPPOS

(디오게네스 라에르티오스, Lives of Eminent Philosophers, D, Kef. a'. SPEUSIPPOS)

상위

목록

SEARCH

MENU NAVIGATION