Diodorus Siculus, Library, fragmenta libri ix, chapter 37 2:

ὅτι κανηφορούσησ ποτὲ τῆσ θυγατρὸσ Πεισιστράτου, καὶ δοκούσησ τῷ κάλλει διαφέρειν, προσελθών τισ τῶν νεανίσκων καταπεφρονηκὼσ ἐφίλησε τὴν παρθένον. ἀκούσαντεσ δὲ οἱ τῆσ κόρησ ἀδελφοὶ βαρέωσ ἤνεγκαν τὴν ὕβριν, καὶ τὸν νεανίσκον ἀγαγόντεσ πρὸσ τὸν πατέρα δίκην ἠξίουν διδόναι· ὁ δὲ Πεισίστρατοσ γελάσασ, καὶ τί τοὺσ μισοῦντασ ἡμᾶσ, ἔφη, ποιήσωμεν, ἐὰν τοὺσ φιλοῦντασ τιμωρίαισ περιβάλωμεν;