헬라어 문장 검색 - Διοδορ́Λιβραρψ́1́28́

(디오도로스 시켈로스, Library, fragmenta libri ix, chapter 31)

ὅτι Κροῖσοσ ἐπὶ Κῦρον τὸν Πέρσην ἐκστρατεύων ἐπύθετο τοῦ μαντείου. ὁ δὲ χρησμόσ, Κροῖσοσ Ἅλυν διαβὰσ μεγάλην ἀρχὴν καταλύσει. ὁ δὲ τὸ ἀμφίβολον τοῦ χρησμοῦ κατὰ τὴν ἑαυτοῦ προαίρεσιν ἐκδεξάμενοσ ἐδυστύχησεν. ὅτι πάλιν ἐπηρώτησεν, εἰ πολὺν χρόνον ἕξει τὴν δυναστείαν.

εἶπε δὲ τὰ ἔπη ταῦτα, ἀλλ’ ὅταν ἡμίονοσ βασιλεὺσ Μήδοισι γένηται, καὶ τότε, Λυδὲ ποδαβρέ, πολυψήφιδα παρ’ Ἕρμον φεύγειν μηδὲ μένειν μηδ’ αἰδεῖσθαι κακὸσ εἶναι. ὅτι ἡμίονον τὸν Κῦρον ἔφη διὰ τὸ τὴν μητέρα αὐτοῦ Μηδικὴν εἶναι, τὸν δὲ πατέρα Πέρσην.

ὅτι Κῦροσ ὁ τῶν Περσῶν βασιλεὺσ παραγενηθεὶσ μετὰ πάσησ δυνάμεωσ εἰσ τὰ τῆσ Καππαδοκίασ στενά, ἀπέστειλε κήρυκασ πρὸσ τὸν Κροῖσον τήν τε δυναστείαν αὐτοῦ κατασκεψομένουσ καὶ δηλώσοντασ ὅτι Κῦροσ αὐτὸν ἀφίησι τῶν πρότερον ἁμαρτημάτων καὶ Λυδίασ καθίστησι σατράπην, ἂν ἐπὶ θύρασ γενόμενοσ ὁμοίωσ τοῖσ ἄλλοισ ὁμολογῇ δοῦλοσ εἶναι.

πρὸσ οὓσ ὁ Κροῖσοσ ἀπεκρίθη, διότι προσηκόντωσ ἂν Κῦροσ καὶ Πέρσαι Κροίσῳ δουλεύειν ὑπομένοιεν· ἐκείνουσ μὲν γὰρ τὸν ἔμπροσθεν χρόνον διατετελεκέναι Μήδοισ δουλεύοντασ, αὐτὸν δὲ οὐδέποτε πεποιηκέναι τὸ προσταττόμενον ὑφ’ ἑτέρου. ξονστ. εχξ. 4, ππ. 289‐290.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri ix, chapter 31

(디오도로스 시켈로스, Library, fragmenta libri ix, chapter 31)

상위

목록

SEARCH

MENU NAVIGATION