헬라어 문장 검색 - Αρριαν́Ταξτιξά38́

(아리아노스, chapter 38)

ἐπελάσαντεσ ἐν τάξει αὖ ἵστανται ἐπὶ δεξιᾷ τοῦ βήματοσ, καθάπερ οἱ ἄλλοι ἐν ἀριστερᾷ, καὶ οἱ δύο ἱππῆσ διέχοντεσ ἀπὸ τοῦ κέρωσ τῆσ προβολῆσ τὸ ἴσον ἵστανται, καὶ αὖ οἱ μεταξὺ αὐτοῖν τε τούτοιν καὶ τῆσ πάσησ τάξεωσ ἐκθέοντεσ ἐσ τὸν αὐτὸν τρόπον ἐξακοντίζουσιν ἐσ τοὺσ παριππεύοντασ. ἔνθα δὴ ὅ τι περ κράτιστον τῶν ἱππέων ἐσ τόνδε τὸν ἀκροβολισμὸν ἐπιλέγονται.

οἱ μέν γε ἀπὸ τῶν δεξιῶν [τοῦ βήματοσ] ἀρχόμενοι οὐδὲν ἄλλο ἢ τὸ συνεχὲσ τῆσ ἀκροβολίσεωσ καὶ τὸ ἐπάλληλον τοῦ κτύπου παρέχονται·

γιγνομένησ.

ὁπότε δὲ ἐκ τῶν ἀριστερῶν ἐπελαύνοιεν, τότε δὴ πᾶσ ὁ ἀκροβολισμὸσ ἀρίδηλοσ γίγνεται, καὶ τῶν θυρεῶν ἡ προβολή, καὶ ἡ ἐκ τῆσ ἀριστερᾶσ χειρὸσ ἐσ τὴν δεξιὰν ὕφεσισ τῶν ἀκοντίων ὀξεῖα, καὶ ἡ δεξιὰ ὅπωσ αὐτὰ ὑπολαβοῦσα καὶ ὑπὲρ τῆσ κεφαλῆσ περιενεγκοῦσα ὥσπερ ἐν τροχοῦ περιδινήσει ὁμοῦ μὲν ἐξηκόντισεν, ὁμοῦ δὲ ὑπέλαβεν τὸ λειφθέν, καὶ τοῦτο αὖ ὑπερενεγκοῦσα ἐξηκόντισεν.

ἥ τε καθέδρα ἡ ἐπὶ τοῦ ἵππου αὐτοῦ τοῦ ἱππέωσ ἀεὶ εὐσχήμων καὶ ὀρθὴ ἐν τῷ ἀκροβολισμῷ σῴζεται, καὶ ταύτῃ μᾶλλον, ὅτι ἐπελαυνόντων ὁρᾶται καὶ τῶν ὅπλων ἡ λαμπρότησ καὶ τῶν ἵππων ἡ ὠκύτησ τε καὶ τὸ ἐν ταῖσ ἐπιστροφαῖσ εὐκαμπέσ καὶ ὅπωσ ἐν ἴσοισ τοῖσ διαστήμασιν αἱ ἐπελάσεισ γίγνονται τῶν ἱππέων. αἱ μέν γε ἐπὶ μέγα διαλιποῦσαι αὐτῷ τούτῳ τὸ συνεχὲσ τοῦ ἀκροβολισμοῦ ἀφανίζουσιν, αἱ δὲ ἄγαν ἐπάλληλοι τῇ ἀκριβείᾳ τῆσ θεωρίασ ἐμποδὼν ἵστανται τὸ δίκαιον αὐτῆσ ἀφαιρούμεναι·

τόν τε γὰρ ἀγαθὸν ἱππέα ἐγγὺσ αὐτῷ ἐπελαύνων ὁ κακὸσ ἤδη ἠφάνισεν, καὶ τοῦ κακοῦ ἄλλοσ αὖ ἀγαθὸσ εὐσχημόνωσ ἐπιφερόμενοσ τὴν ἀπρέπειαν συνεσκίασεν.

ἀλλὰ χρὴ τοῦ συνεχοῦσ σῳζομένου τόν τε ἔπαινον τῷ ἀγαθῷ σῷον εἶναι καὶ πρέποντα, καὶ τῷ κακῷ τὸ ὀφειλόμενον ὄνειδοσ ἀποδίδοσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, chapter 38

(아리아노스, chapter 38)

상위

목록

SEARCH

MENU NAVIGATION