Arrian, chapter 26

(아리아노스, chapter 26)

καὶ μὴν πλαγία μὲν φάλαγξ ἐστὶν ἡ τὸ μῆκοσ τοῦ βάθουσ πολλαπλάσιον ἔχουσα, ὀρθία δέ, ὅταν ἐπὶ κέρωσ πορεύηται· οὕτω δὲ αὖ τὸ βάθοσ τοῦ μήκουσ πολλαπλάσιον παρέχεται.

ὅλωσ τε παράμηκεσ μὲν τάγμα ὀνομάζεται ὅ τι περ ἂν τὸ μῆκοσ ἔχῃ ἐπὶ πλέον τοῦ βάθουσ, ὄρθιον δὲ ὅ τι περ ἂν τὸ βάθοσ τοῦ μήκουσ.

ὑποστολῆσ σῴζουσα.

παρεμβολὴν δὲ ὀνομάζουσιν, ἐπειδὰν προτεταγμένων τινῶν κατὰ διαστήματα ἐκ τῶν ἐπιτεταγμένων ἐγκαθιστῶνται αὐτοῖσ ἄλλοι ἐπ̓ εὐθείασ, ὡσ ἀναπληρῶσαι τὸ πρόσθεν ἀπολειπόμενον κενὸν τῆσ φάλαγγοσ·

πρόσταξιν δέ, ὅταν ἢ ἐξ ἑκατέρων τῶν μερῶν τῆσ τάξεωσ ἢ ἐκ θατέρου κατὰ τὸ κέρασ αὐτὸ προστεθῇ τι στῖφοσ τῇ πάσῃ φάλαγγι κατ̓ εὐθὺ τοῦ μετώπου τῆσ τάξεωσ.

ἔνταξιν δὲ ὀνομάζουσιν, ἐπειδὰν τοὺσ ψιλοὺσ ἐσ τὰ διαστήματα τῶν πεζῶν ἐντάξωσιν, ἄνδρα παῤ ἄνδρα ἱστάντεσ·

ὑπόταξιν δέ, ἐπειδὰν τοὺσ ψιλοὺσ ἐπὶ τὰ πέρατα τῆσ φάλαγγοσ ὑποτάξῃ τισ ὡσ ἐσ ἐπικάμπιον.

일치하는 문장이 없습니다.

SEARCH

MENU NAVIGATION