Arrian, chapter 25

(아리아노스, chapter 25)

κατὰ ζυγὰ ἢ κατὰ βάθοσ. καὶ τούτων ἕκαστον ἢ τῷ ἀριθμῷ διπλασιάζεται ἢ τῷ τόπῳ.

ἀριθμῷ μέν, εἰ ἀντὶ χιλίων εἴκοσι τεσσάρων τὸ μῆκοσ δισχιλίων τεσσαράκοντα ὀκτὼ ποιήσαιμεν, τὸν τόπον τὸν αὐτὸν ἐπεχούσησ τῆσ πάσησ φάλαγγοσ. γίγνεται δὲ τοῦτο, παρεμβαλλόντων ἡμῶν ἐσ τὰ μεταξὺ τῶν ὁπλιτῶν τοὺσ ἐν τῷ βάθει ἐπιστάτασ.

καὶ οὕτω πυκνοῦται ἡμῖν τὸ μέτωπον τῆσ φάλαγγοσ. ἀποκαταστῆσαι δὲ ἐπειδὰν βουληθῶμεν, παραγγελοῦμεν ὧδε·

ὁ ἐσ τὸ μῆκοσ ἐντεταγμένοσ, ἐπάνιθι ἐσ τάξιν. εἰ δὲ καὶ τῷ τόπῳ διπλασιάσαι ἐθέλοιμεν τὸ μῆκοσ, ὡσ ἀντὶ σταδίων πέντε ἐσ δέκα ἐκτεῖναι τὴν τάξιν, τοὺσ ἐκ τοῦ βάθουσ παρεμβληθέντασ ἐσ τὸ κατὰ μῆκοσ μέσον τῶν ὁπλιτῶν διάστημα ἐπὶ τὰ δεξιὰ κελεύσομεν ἐξελίσσεσθαι, τοὺσ δὲ λοιποὺσ καὶ ἡμίσεασ αὐτῶν ἐπὶ τὰ εὐώνυμα, ἀπὸ τῶν πρὸσ τοῖσ κέρασι δευτέρων λόχων ἀρχόμενοι, καὶ οὕτω διπλάσιον ἐφέξει χῶρον ἡ πᾶσα τάξισ.

ἀποκαταστῆσαι δὲ ἐπειδὰν βουληθῶμεν, παραγγελοῦμεν αὖ ἐξελίσσειν τοὺσ κατὰ τὰ κέρατα τεταγμένοσ ἐσ οὕστινασ πρότερον εἶχον τόπουσ.

οὐ πάνυ δὲ ὠφέλιμοι οἱ διπλασιασμοὶ ἐγγὺσ ὄντων πολεμίων, ὅτι ταραχῆσ τε τοῦ ἡμετέρου στρατεύματοσ δόξαν παρέξουσιν ἐκείνοισ, καὶ αὐτὸ τὸ στράτευμα ἐν τῇ μετακινήσει ἀσθενέστερον ἅμα καὶ ἀτακτότερον καθιστᾶσιν.

ἀλλὰ τοὺσ ψιλοὺσ ἐπεκτείνειν ἄμεινον καὶ τοὺσ ἱππέασ, ὡσ τὴν ἐκ τοῦ διπλασιασμοῦ ἔκπληξιν ἄνευ κινήσεωσ τῆσ πεζικῆσ φάλαγγοσ τοῖσ πολεμίοισ ἐμποιῆσαι.

ἢ ὑπερφαλαγγῆσαι ἡμῶν ἐθελησάντων ὑπὲρ τὸ τῶν πολεμίων κέρασ, ἢ κωλῦσαι ὑπερφαλαγγῆσαι ἐκείνουσ.

τὸ βάθοσ δὲ διπλασιάζεται, εἰ ὁ δεύτεροσ λόχοσ τῷ πρώτῳ ἐπιταχθείη, ὥστε τὸν τοῦ δευτέρου λόχου λοχαγὸν ἐπιστάτην τοῦ πρώτου λοχαγοῦ γενέσθαι, τὸν δ̓ ἐπιστάτην τὸν πρῶτον τοῦ ἐκείνου ἐπιστάτου ἐπιστάτην γενέσθαι·

λόχου δεύτερόσ ἐστι τοῦ πρώτου λόχου, ὁ δὲ δεύτεροσ ἐν τῷ δευτέρῳ τέταρτοσ τοῦ πρώτου, καὶ ὡσαύτωσ ἐφεξῆσ, ἔστ̓ ἂν ἅπασ ὁ δεύτεροσ λόχοσ κατὰ τον πρῶτον ἐπ̓ εὐθείασ ἐναλλὰξ ἐνταχθῇ ἐσ βάθοσ.

οὕτω γάρ τοι καὶ ὁ τέταρτοσ λόχοσ τὸν τρίτον βαθυνεῖ, συνταχθεὶσ αὐτῷ, καὶ ἁπλῶσ οἱ ἄρτιοι ἐσ τοὺσ περισσοὺσ ἐνταχθήσονται.

οὐ χαλεπὸν δὲ γνῶναι, ὅπωσ καὶ αὐτοῦ τοῦ κατὰ βάθοσ χωρίου διπλασιασμὸσ ἔσται, καὶ ἡ ἀπὸ τοῦδε ἀποκατάστασισ.

일치하는 문장이 없습니다.

SEARCH

MENU NAVIGATION