헬라어 문장 검색 - Αρριαν́Ινδιξά24́

(아리아노스, Indica, chapter 24)

ἐνδένδε ὁρμηθέντεσ ἔπλωον ἀκραεί, καὶ διελθόντεσ 5 σταδίουσ ἐσ πεντακοσίουσ ὡρμίζοντο πρὸσ ποταμῷ χειμαρρόῳ· Τόμηροσ οὔνομα ἦν τῷ ποταμῷ. καὶ λίμνη ἦν ἐπὶ τῇσιν ἐκβολῇσι τοῦ ποταμοῦ, τὰ δὲ βραχέα τὰ πρὸσ τῷ αἰγιαλῷ ἐπῴκεον ἄνθρωποι ἐν καλύβῃσι πνιγηρῇσι.

καὶ οὗτοι ὡσ προσπλώοντασ εἶδον, ἐθάμβησάν τε καὶ παρατείναντεσ σφᾶσ παρὰ τὸν αἰγιαλὸν ἐτάχθησαν ὡσ ἀπομαχεόμενοι πρὸσ τοὺσ ἐκβαίνοντασ. λόγχασ δὲ ἐφόρεον παχέασ, μέγαθοσ ὡσ ἑξαπήχεασ·

ἀκωκὴ δὲ οὐκ ἐπῆν σιδηρέη, ἀλλὰ τὸ ὀξὺ αὐτοῖσι πεπυρακτωμένον τωὐτὸ ἐποίεε. πλῆθοσ δὲ ἦσαν ὡσ ἑξακόσιοι. καὶ τούτουσ Νέαρχοσ ὡσ ὑπομένοντάσ τε καὶ παρατεταγμένουσ κατεῖδε, τὰσ μὲν νέασ ἀνακωχεύειν κελεύει ἐντὸσ βέλεοσ, ὡσ τὰ τοξεύματα ἐσ τὴν γῆν ἀπ̓ αὐτέων ἐξικνέεσθαι·

αἱ γὰρ τῶν βαρβάρων λόγχαι ἀγχέμαχοι μὲν ἄφοβοι δὲ ἐσ τὸ ἐσακοντίζεσθαι ἦσαν. αὐτὸσ δὲ τῶν στρατιωτέων ὅσοι αὐτοὶ τε κουφότατοι καὶ κουφότατα ὡπλισμένοι τοῦ τε νέειν δαημονέστατοι, τούτουσ δὲ ἐκνήξασθαι κελεύει ἀπὸ συνθήματοσ.

πρόσταγμα δέ σφισιν ἦν, ὅκωσ τισ ἐκνηξάμενοσ σταίη ἐν τῷ ὕδατι, προσμένειν τὸν παραστάτην οἱ ἐσόμενον, μηδὲ ἐμβάλλειν πρόσθε ἐσ τοὺσ βαρβάρουσ, πρὶν ἐπὶ τριῶν ἐσ βάθοσ ταχθῆναι τὴν φάλαγγα·

τότε δὲ δρόμῳ ἐπιέναι ἀλαλάζοντασ. ἅμα δὲ ἐρρίπτεον ἑωυτοὺσ οἱ ἐπὶ τῷδε τεταγμένοι ἐκ τῶν νεῶν ἐσ τὸν πόντον, καὶ ἐνήχοντο ὀξέωσ, καὶ ἵσταντο ἐν κόσμῳ, καὶ φάλαγγα ἐκ σφῶν ποιησάμενοι δρόμῳ ἐπῄεσαν αὐτοὶ τε ἀλαλάζοντεσ τῷ Ἐνυαλίῳ καὶ οἱ ἐπὶ τῶν νεῶν συνεπήχεον, τοξεύματά τε καὶ ἀπὸ μηχανέων βέλεα ἐφέρετο ἐσ τοὺσ βαρβάρουσ.

οἳ δὲ τήν τε λαμπρότητα τῶν ὅπλων ἐκπλαγέντεσ καὶ τῆσ ἐφόδου τὴν ὀξύτητα καὶ πρὸσ τῶν τοξευμάτων τε καὶ τῶν ἄλλων βελέων βαλλόμενοι, οἱᾶ δὴ ἡμίγυμνοι ἄνθρωποι, οὐδὲ ὀλίγον ἐσ ἀλκὴν τραπέντεσ ἐγκλίνουσι.

καὶ οἱ μὲν αὐτοῦ φεύγοντεσ ἀποθνήσκουσιν, οἳ δὲ καὶ ἁλίσκονται· ἔστι δὲ οἳ καὶ διέφυγον ἐσ τὰ οὔρεα. ἦσαν δὲ οἱ ἁλόντεσ τά τε ἄλλα δασέεσ καὶ τὰσ κεφαλάσ, καὶ τοὺσ ὄνυχασ θηριώδεεσ·

τοῖσι γὰρ δὴ ὄνυξιν ὅσα σιδήρῳ διαχρᾶσθαι ἐλέγοντο καὶ τοὺσ ἰχθύασ τούτοισι παρασχίζοντεσ κατεργάζεσθαι καὶ τῶν ξύλων ἃσαμαλθακώτερα. τὰ δὲ ἄλλα τοῖαι λίθοισι τοῖσιν ὀξέσιν ἔκοπτον· σίδηροσ γὰρ αὐτοῖσιν οὐκ ἦν. ἐσθῆτα δὲ ἐφόρεον δέρματα θηρήια, οἳ δὲ καὶ ἰχθύων τῶν μεγάλων τὰ παχέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 24

(아리아노스, Indica, chapter 24)

상위

목록

SEARCH

MENU NAVIGATION