헬라어 문장 검색 - Αρριαν́Ξψνεγετ́25́

(아리아노스, Cynegeticus, chapter 24)

ἐν δὲ Λιβύῃ ἀφ̓ ἵππων τῶν Λιβυκῶν, οἳ δὴ Νομάδεσ καλοῦνται, οἵ τε ἄνδρεσ αὐτοὶ καὶ οἱ ἵπποι, ἀπὸ τούτων τῶν ἵππων μὴ ὅτι ἐλάφουσ αἱροῦσιν ἢ δορκάδασ ‐ ταῦτα μὲν γὰρ οὐδὲ διὰ πολλοῦ ἀγῶνοσ, οὐδὲ ἀγαθοὶ ἵπποι δοκοῦσιν οἱ τοιοῦτόν τι ἑλόντεσ ‐ ἀλλὰ καὶ τοὺσ ὄνουσ τοὺσ ἀγρίουσ, οἳ δὴ ὠκύτητι διαφέροντέσ εἰσιν καὶ τῷ ἐπὶ μήκιστον ἀντέχειν θέοντεσ. ὁπότε γοῦν ἐπὶ μέγαν βασιλέα ἤλαυνον οἱ ἅμα Κύρῳ τῷ Δαρείου Ἕλληνεσ, οἷσ καὶ Ξενοφῶν συνεστράτευεν, λέγει Ξενοφῶν, ὅτε τὰ πεδία τὰ Ἀραβίων ἐξήνυον, ἀγέλασ προφαίνεσθαι τῶν ὄνων τῶν ἀγρίων, καὶ ὑπὸ ἑνὸσ μὲν ἱππέωσ μήποτε ἁλῶναι ὄνον ἄγριον, διισταμένουσ δὲ ἄλλουσ ἐπ̓ ἄλλοισ ἐλαύνειν, τοὺσ δὲ πολλοῖσ ἀντίσχοντασ τελευτῶντασ ἤδη ἀπαγορεύειν ὑπὸ καμάτου·

οὕτωσ ἄρα καὶ Κύρῳ τῷ μεγάλου μὲν βασιλέωσ παιδί, μεγάλου δὲ βασιλέωσ ἀδελφῷ, οὐκ ἀγαθοὶ διώκειν ἵπποι ἦσαν. Λιβύων δὲ παῖδεσ ὀκταέτεισ ἔστιν οἳ αὐτῶν, οἳ δὲ οὐ πολλῷ πρεσβύτεροι, ἐπὶ γυμνῶν τῶν ἵππων ἐλαύνουσιν, ῥάβδῳ χρώμενοι ἐπ̓ αὐτοῖσ ὅσα Ἕλληνεσ χαλινῷ, καὶ ἐσ τοσοῦτον ἄρα ἐφομαρτοῦσιν τοῖσ ὄνοισ τοῖσ ἀγρίοισ, ἔστε τελευτῶντεσ βρόχον περιβαλόντεσ τῷ θηρίῳ ἄγουσιν·

τὸ δὲ ἕπεται ἡττημένον. οὕτω τοι θηρῶσιν ὅσοισ κύνεσ τε ἀγαθαὶ καὶ ἵπποι, οὐ πάγαισ οὐδὲ ἄρκυσιν οὐδὲ βρόχοισ οὐδὲ ἁπλῶσ δόλοισ καὶ σοφίσμασιν ἐξαπατῶντεσ τὰ θηρία, ἀλλ̓ ἐκ τοῦ εὐθέοσ διαγωνιζόμενοι.

καὶ ἔστιν τὰ θεάματα, ἐμοὶ δοκεῖν, οὐδέν τι ἐκείνοισ παραπλήσια, ἀλλὰ τὰ μὲν λῃστείᾳ ἢ κλοπῇ ἐοίκεν, τὰ δὲ πολέμῳ τῷ ἀνὰ κράτοσ διαπολεμουμένῳ·

καὶ οἳ μὲν ὡσ πειραταὶ λάθρᾳ ἐπιπλέοντεσ προσφέρονται πρὸσ τὰ θηρία, οἳ δέ, καθάπερ Ἀθηναῖοι Μήδων ἐκράτησαν ναυμαχίᾳ περὶ Ἀρτεμίσιον ἢ περὶ Σαλαμῖνα καὶ Ψυττάλειαν ἢ αὖθισ περὶ Κύπρον, οὕτω δὲ καὶ οὗτοι τῶν θηρίων ἐκ τοῦ ἐμφανοῦσ κρατοῦσιν. κυνὸσ ἡλικία ἐσ τὸ θεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Cynegeticus, chapter 24

(아리아노스, Cynegeticus, chapter 24)

상위

목록

SEARCH

MENU NAVIGATION