헬라어 문장 검색 - Πλυταρ́Δεδεφεξ́37́0́0́

(플루타르코스, De defectu oraculorum, section 37)

"τί δῆτα, φήσαι τισ ἄν, ὁ Πλάτων ἐπὶ τὰ πέντε σχήματα τὸν τῶν πέντε κόσμων ἀριθμὸν ἀνήνεγκεν, εἰπὼν ὅτι τῇ πέμπτῃ συστάσει ὁ θεὸσ ἐπὶ τὸ πᾶν κατεχρήσατο ἐκεῖνο διαζωγραφῶν· "εἶτα τὴν περὶ τοῦ πλήθουσ τῶν κόσμων ὑποθεὶσ ἀπορίαν, πότερον ἕν’ ἢ πέντ’ αὐτοὺσ ἀληθείᾳ πεφυκότασ λέγειν προσήκει, δῆλόσ ἐστιν ἐντεῦθεν οἰόμενοσ ὡρμῆσθαι τὴν ὑπόνοιαν. "εἴπερ οὖν δεῖ πρὸσ τὴν ἐκείνου διάνοιαν ἐπάγειν τὸ εἰκόσ, σκοπῶμεν ὅτι ταῖσ τῶν σωμάτων καὶ σχημάτων ἐκείνων διαφοραῖσ ἀνάγκη καὶ κινήσεων εὐθὺσ ἕπεσθαι διαφοράσ, ὥσπερ αὐτὸσ διδάσκει, τὸ διακρινόμενον ἢ συγκρινόμενον ἅμα τῆσ οὐσίασ τῇ ἑτεροιώσει καὶ τὸν τόπον μεταλλάττειν ἀποφαινόμενοσ. "ἂν γὰρ ἐξ ἀέροσ πῦρ γένηται, λυθέντοσ τοῦ ὀκταέδρου καὶ κερματισθέντοσ εἰσ πυραμίδασ , ἢ πάλιν ἀὴρ ἐκ πυρόσ, συνωσθέντοσ καὶ συνθλιβέντοσ εἰσ ὀκτάεδρον, οὐ δυνατὸν μένειν ὅπου πρότερον ἦν, ἀλλὰ φεύγει καὶ φέρεται πρὸσ ἑτέραν χώραν ἐκβιαζόμενον καὶ μαχόμενον τοῖσ ἐνισταμένοισ καὶ κατεπείγουσιν. "ἔτι δὲ μᾶλλον εἰκόνι τὸ συμβαῖνον ἐνδείκνυται, τοῖσ ὑπὸ τῶν πλοκάνων καὶ ὀργάνων τῶν περὶ τὴν τοῦ σίτου κάθαρσιν σειομένοισ καὶ ἀναλικμωμένοισ ὁμοίωσ λέγων τὰ στοιχεῖα σείοντα τὴν ὕλην ὑπ’ ἐκείνησ; "τε σειόμενα, προσχωρεῖν ἀεὶ τὰ ὅμοια τοῖσ ὁμοίοισ, ἄλλην τε χώραν ἄλλα ἴσχειν πρὶν ἐξ αὐτῶν γενέσθαι τὸ πᾶν διακοσμηθέν οὕτωσ οὖν τῆσ ὕλησ ἐχούσησ ὡσ ἔχειν τὸ πᾶν εἰκόσ, οὗ θεὸσ ἄπεστιν, εὐθὺσ αἱ πρῶται πέντε ποιότητεσ ἰδίασ ἔχουσαι ῥοπὰσ ἐφέροντο χωρίσ, οὐ παντάπασιν οὐδ’ εἰλικρινῶσ ἀποκρινόμεναι, διὰ τὸ πάντων ἀναμεμιγμένων ἀεὶ τὰ κρατούμενα τοῖσ ἐπικρατοῦσι παρὰ φύσιν ἕπεσθαι. "διὸ δὴ τοῖσ τῶν σωμάτων γένεσιν ἄλλων ἀλλαχῆ φερομένων ἰσαρίθμουσ μερίδασ καὶ διαστάσεισ ἐποίησαν, τὴν μὲν οὐ καθαροῦ πυρὸσ ἀλλὰ πυροειδῆ, τὴν δ’ οὐκ ἀμιγοῦσ αἰθέροσ ἀλλ’ αἰθεροειδῆ, τὴν δ’ οὐ γῆσ αὐτῆσ καθ’ ἑαυτὴν ἀλλὰ γεοειδῆ· "μάλιστα δὲ καὶ τὴν ἀέροσ κοίνωσιν τὴν ὕδατοσ διὰ τὸ πολλῶν, ὥσπερ εἴρηται, τῶν ἄλλων φύλων ἀναπεπλησμέν’ ἀπελθεῖν. οὐ γὰρ ὁ θεὸσ διέστησεν οὐδὲ διῴκισε τὴν οὐσίαν, ἀλλ’ ὑπ’ αὐτῆσ διεστῶσαν αὐτὴν καὶ φερομένην χωρὶσ ἐν ἀκοσμίαισ τοσαύταισ παραλαβὼν, ἔταξε καὶ συνήρμοσε δι’ ἀναλογίασ καὶ μεσότητοσ· "εἶθ’ ἑκάστῃ λόγον ἐγκαταστήσασ ὥσπερ ἁρμοστὴν καὶ φύλακα, κόσμουσ ἐποίησε τοσούτουσ, ὅσα γένη τῶν πρώτων σωμάτων ὑπῆρχε. "ταῦτα μὲν οὖν τῇ Πλάτωνοσ ἀνακείσθω χάριτι δι’ Ἀμμώνιον· "ἐγὼ δὲ περὶ μὲν ἀριθμοῦ κόσμων οὐκ ἄν ποτε διισχυρισαίμην ὅτι τοσοῦτοι, τὴν, δὲ πλείονασ μὲν ἑνὸσ οὐ μὴν ἀπείρουσ ἀλλ’ ὡρισμένουσ πλήθει τιθεμένην δόξαν, οὐδετέρασ ἐκείνων ἀλογωτέραν ἡγοῦμαι, τὸ φύσει τῆσ ὕλησ σκεδαστὸν καὶ μεριστὸν ὁρῶν οὔτ’ ἐφ’ ἑνὸσ μένον οὔτ’ εἰσ ἄπειρον ὑπὸ τοῦ λόγου βαδίζειν ἐώμενον. "εἰ δ’ ἀλλαχόθι που κἀνταῦθα τῆσ Ἀκαδημείασ ὑπομιμνήσκοντεσ ἑαυτοὺσ τὸ ἄγαν τῆσ πίστεωσ ἀφαιρῶμεν, καὶ τὴν ἀσφάλειαν ὥσπερ ἐν χωρίῳ σφαλερῷ, τῷ περὶ τῆσ ἀπειρίασ λόγῳ, μόνον διασῴζωμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 37

(플루타르코스, De defectu oraculorum, section 37)

상위

목록

SEARCH

MENU NAVIGATION