헬라어 문장 검색 - Ηιπποξ́Οευϝρεσ́11́15́0́

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 15.)

Γίνεται δὲ ἡ διαφθορὴ τοῦ ἐγκεφάλου ὑπὸ φλέγματοσ καὶ χολῆσ‧ γνώσῃ δὲ ἑκάτερα ὧδε‧ οἱ μὲν γὰρ ὑπὸ τοῦ φλέγματοσ μαινόμενοι ἥσυχοί τέ εἰσι καὶ οὐ βοῶσιν οὐδὲ θορυβέουσιν, οἱ δὲ ὑπὸ χολῆσ κεκράκται καὶ κακοῦργοι καὶ οὐκ ἀτρεμαῖοι, ἀλλ’ αἰεί τι ἄκαιρον δρῶντεσ. Ἢν μὲν οὖν ξυνεχέωσ μαίνωνται, αὗται αὐτοῖσ αἱ προφάσιέσ εἰσίν‧ ἢν δὲ δείματα καὶ φόβοι παριστῶνται, ὑπὸ μεταστάσιοσ τοῦ ἐγκεφάλου‧ μεθίσταται δὲ θερμαινόμενοσ‧ θερμαίνεται δὲ ὑπὸ τῆσ χολῆσ, ὁκόταν ὁρμήσῃ ἐπὶ τὸν ἐγκέφαλον, κατὰ τὰσ φλέβασ τὰσ αἱματίτιδασ ἐκ τοῦ σώματοσ‧ καὶ φόβοσ παρέστηκε μέχρισ ἀπέλθῃ πάλιν ἐπὶ τὰσ φλέβασ καὶ τὸ σῶμα‧ ἔπειτα πέπαυται. Ἀνιᾶται δὲ καὶ ἀσᾶται παρὰ καιρὸν ψυχομένου τοῦ ἐγκεφάλου καὶ ξυνισταμένου παρὰ τὸ ἔθοσ‧ τοῦτο δὲ ὑπὸ φλέγματοσ πάσχει‧ ὑπ’ αὐτοῦ δὲ τοῦ πάθεοσ καὶ ἐπιλήθεται. Ἐκ νυκτῶν δὲ βοᾷ καὶ κέκραγεν, ὁκόταν ἐξαπίνησ ὁ ἐγκέφαλοσ διαθερμαίνηται‧ τοῦτο δὲ πάσχουσιν οἱ χολώδεεσ, οἱ φλεγματώδεεσ δὲ οὔ‧ διαθερμαίνεται δὲ καὶ ἐπὴν τὸ αἷμα ἐπέλθῃ πουλὺ ἐπὶ τὸν ἐγκέφαλον καὶ ἐπιζέσῃ. Ἔρχεται δὲ κατὰ τὰσ φλέβασ πουλὺ τὰσ προειρημένασ, ὁκόταν τυγχάνῃ ὥνθρωποσ ὁρέων ἐνύπνιον φοβερὸν καὶ ἐν τῷ φόβῳ ἐῄ‧ ὥσπερ οὖν καὶ ἐγρηγορότι τότε μάλιστα τὸ πρόσωπον φλογιᾷ, καὶ οἱ ὀφθαλμοὶ ἐρεύθονται, ὁκόταν φοβῆται, καὶ ἡ γνώμη ἐπινοέῃ τι κακὸν ἐργάσασθαι, οὕτω καὶ ἐν τῷ ὕπνῳ πάσχει‧ ὁκόταν δὲ ἐπέγρηται καὶ καταφρονήσῃ καὶ τὸ αἷμα πάλιν ἀποσκεδασθῇ ἐσ τὰσ φλέβασ τὰσ προειρημένασ, πέπαυται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 15.

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 15.)

상위

목록

SEARCH

MENU NAVIGATION