Xenophon, Works on Socrates, Συμπόσιον, chapter 4 38:

τούτουσ μὲν οὖν ἔγωγε καὶ πάνυ οἰκτίρω τῆσ ἄγαν χαλεπῆσ νόσου. ὅμοια γάρ μοι δοκοῦσι πάσχειν ὥσπερ εἴ τισ πολλὰ ἔχοι καὶ πολλὰ ἐσθίων μηδέποτε ἐμπίμπλαιτο. ἐγὼ δὲ οὕτω μὲν πολλὰ ἔχω ὡσ μόλισ αὐτὰ καὶ ἐγὼ ἂν αὐτὸσ εὑρίσκω· ὅμωσ δὲ περίεστί μοι καὶ ἐσθίοντι ἄχρι τοῦ μὴ πεινῆν ἀφικέσθαι καὶ πίνοντι μέχρι τοῦ μὴ διψῆν καὶ ἀμφιέννυσθαι ὥστε ἔξω μὲν μηδὲν μᾶλλον Καλλίου τούτου τοῦ πλουσιωτάτου ῥιγοῦν·