호흡부호 보기
강세부호 보기
장단부호 보기
작은 Iota 보기
모든 부호 보기
ἀνδρείαν δέ, ὦ Εὐθύδημε, ἆρα τῶν καλῶν νομίζεισ εἶναι; κάλλιστον μὲν οὖν ἔγωγ’, ἔφη. χρήσιμον ἄρα οὐ πρὸσ τὰ ἐλάχιστα νομίζεισ τὴν ἀνδρείαν; νὴ Δί’, ἔφη, πρὸσ τὰ μέγιστα μὲν οὖν. ἆρ’ οὖν δοκεῖ σοι πρὸσ τὰ δεινά τε καὶ ἐπικίνδυνα χρήσιμον εἶναι τὸ ἀγνοεῖν αὐτά; ἥκιστά γ’, ἔφη. οἱ ἄρα μὴ φοβούμενοι τὰ τοιαῦτα διὰ τὸ μὴ εἰδέναι τί ἐστιν οὐκ ἀνδρεῖοί εἰσι; νὴ Δί’, ἔφη, πολλοὶ γὰρ ἂν οὕτω γε τῶν τε μαινομένων καὶ τῶν δειλῶν ἀνδρεῖοι εἰε͂ν. τί δὲ οἱ καὶ τὰ μὴ δεινὰ δεδοικότεσ; ἔτι γε νὴ Δί’ ἧττον, ἔφη. ἆρ’ οὖν τοὺσ μὲν ἀγαθοὺσ πρὸσ τὰ δεινὰ καὶ ἐπικίνδυνα ὄντασ ἀνδρείουσ ἡγῇ εἶναι, τοὺσ δὲ κακοὺσ δειλούσ;
호흡부호 보기
강세부호 보기
장단부호 보기
작은 Iota 보기
모든 부호 보기