Xenophon, Memorabilia, Ἀπομνημονευμάτων Δ, chapter 5 8:

σωφροσύνησ δέ, ὦ Εὐθύδημε, τίνι ἂν φαίημεν ἧττον ἢ τῷ ἀκρατεῖ προσήκειν; αὐτὰ γὰρ δήπου τὰ ἐναντία σωφροσύνησ καὶ ἀκρασίασ ἔργα ἐστίν. ὁμολογῶ καὶ τοῦτο, ἔφη. τοῦ δ’ ἐπιμελεῖσθαι ὧν προσήκει οἰεί τι κωλυτικώτερον εἶναι ἀκρασίασ; οὔκουν ἔγωγ’, ἔφη. τοῦ δὲ ἀντὶ τῶν ὠφελούντων τὰ βλάπτοντα προαιρεῖσθαι ποιοῦντοσ καὶ τούτων μὲν ἐπιμελεῖσθαι, ἐκείνων δὲ ἀμελεῖν πείθοντοσ καὶ τοῖσ σωφρονοῦσι τὰ ἐναντία ποιεῖν ἀναγκάζοντεσ οἰεί τι ἀνθρώπῳ κάκιον εἶναι;