Xenophon, Memorabilia, Ἀπομνημονευμάτων Δ, chapter 2 24:

ἔμοιγε δοκεῖ, ἔφη. οὐκοῦν δεῖ παντὶ τρόπῳ διατειναμένουσ φεύγειν ὅπωσ μὴ ἀνδράποδα ὦμεν. ἀλλὰ νὴ τοὺσ θεούσ, ἔφη, ὦ Σώκρατεσ, πάνυ ᾤμην φιλοσοφεῖν φιλοσοφίαν δι’ ἧσ ἂν μάλιστα ἐνόμιζον παιδευθῆναι τὰ προσήκοντα ἀνδρὶ καλοκαγαθίασ ὀρεγομένῳ· νῦν δὲ πῶσ οἰεί με ἀθύμωσ ἔχειν, ὁρῶντα ἐμαυτὸν διὰ μὲν τὰ προπεπονημένα οὐδὲ τὸ ἐρωτώμενον ἀποκρίνεσθαι δυνάμενον ὑπὲρ ὧν μάλιστα χρὴ εἰδέναι, ἄλλην δὲ ὁδὸν οὐδεμίαν ἔχοντα ἣν ἂν πορευόμενοσ βελτίων γενοίμην;