Strabo, Geography, book 15, chapter 3 8:

(스트라본, 지리학, book 15, chapter 3 8:)

τὰ μὲν οὖν Σοῦσα ἐν μεσογαίοισ κεῖται ἐπὶ τῷ Χοάσπῃ ποταμῷ περαιτέρω κατὰ τὸ ζεῦγμα, ἡ δὲ χώρα μέχρι τῆσ θαλάττησ καθήκει· καὶ ἔστιν αὐτῆσ ἡ παραλία μέχρι τῶν ἐκβολῶν σχεδόν τι τοῦ Τίγριοσ ἀπὸ τῶν ὁρ́ων τῆσ Περσικῆσ παραλίασ σταδίων ὡσ τρισχιλίων. ῥεῖ δὲ διὰ τῆσ χώρασ ὁ Χοάσπησ εἰσ τὴν αὐτὴν τελευτῶν παραλίαν, ἀπὸ τῶν Οὐξίων τὰσ ἀρχὰσ ἔχων. παρεμπίπτει γάρ τισ ὀρεινὴ τραχεῖα καὶ ἀπότομοσ μεταξὺ τῶν Σουσίων καὶ τῆσ Περσίδοσ, στενὰ ἔχουσα δυσπάροδα καὶ ἀνθρώπουσ λῃστάσ, οἳ μισθοὺσ ἐπράττοντο καὶ αὐτοὺσ τοὺσ βασιλέασ κατὰ τὴν ἐκ Σούσων εἰσ Πέρσασ εἰσβολήν. φησὶ δὲ Πολύκλειτοσ εἰσ λίμνην τινὰ συμβάλλειν τόν τε Χοάσπην καὶ τὸν Εὔλαιον καὶ ἔτι τὸν Τίγριν, εἶτ’ ἐκεῖθεν εἰσ τὴν θάλατταν ἐκδιδόναι· πρὸσ δὲ τῇ λίμνῃ καὶ ἐμπόριον εἶναι, τῶν ποταμῶν μὲν οὐ δεχομένων τὰ ἐκ τῆσ θαλάττησ, οὐδὲ καταπεμπόντων διὰ τοὺσ καταράκτασ ἐπίτηδεσ γενομένουσ, πεζῇ δ’ ἐμπορευομένων· ὀκτακοσίουσ γὰρ εἶναι σταδίουσ εἰσ Σοῦσα λέγουσιν ἄλλοι· ἄλλοι δέ φασι τοὺσ διὰ Σούσων ποταμοὺσ εἰσ ἓν ῥεῦμα τὸ τοῦ Τίγριοσ συμπίπτειν κατὰ τὰσ μεταξὺ διώρυγασ τοῦ Εὐφράτου· διὰ δὲ τοῦτο κατὰ τὰσ ἐκβολὰσ ὀνομάζεσθαι Πασίτιγριν.

상위

Geography (지리학)

목록

일치하는 문장이 없습니다.

SEARCH

MENU NAVIGATION