Strabo, Geography, book 15, chapter 1 64:

(스트라본, 지리학, book 15, chapter 1 64:)

ἡ μὲν οὖν μέχρι τοῦ Ὑδάσπου ὁδὸσ τὸ πλέον ἦν ἐπὶ μεσημβρίαν, ἡ δ’ ἐνθένδε πρὸσ ἑώ μᾶλλον μέχρι τοῦ Ὑπάνιοσ, ἅπασα δὲ τῆσ ὑπωρείασ μᾶλλον ἢ τῶν πεδίων ἐχομένη. ὁ δ’ οὖν Ἀλέξανδροσ ἀπὸ τοῦ Ὑπάνιοσ ἀναστρέψασ ἐπὶ τὸν Ὑδάσπην καὶ τὸν ναύσταθμον ἠρτικρότει τὸν στόλον, εἶτ’ ἔπλει τῷ Ὑδάσπῃ. πάντεσ δ’ οἱ λεχθέντεσ ποταμοὶ συμβάλλουσιν εἰσ ἕνα τὸν Ἰνδόν, ὕστατοσ δ’ ὁ Ὕπανισ· πεντεκαίδεκα δὲ τοὺσ σύμπαντασ συρρεῖν φασι τούσ γε ἀξιολόγουσ· πληρωθεὶσ δ’ ἐκ πάντων ὥστε καὶ ἐφ’ ἑκατὸν σταδίουσ, ὡσ οἱ μὴ μετριάζοντέσ φασιν, εὐρύνεσθαι κατά τινασ τόπουσ, ὡσ δ’ οἱ μετριώτεροι, πεντήκοντα τὸ πλεῖστον ἐλάχιστον δὲ ἑπτά, ἔπειτα δυσὶ στόμασιν εἰσ τὴν νοτίαν ἐκδίδωσι θάλατταν καὶ τὴν Παταληνὴν προσαγορευομένην ποιεῖ νῆσον. ταύτην δ’ ἔσχε τὴν διάνοιαν Ἀλέξανδροσ, ἀφεὶσ τὰ πρὸσ ἑώ μέρη πρῶτον μὲν διὰ τὸ κωλυθῆναι διαβῆναι τὸν Ὕπανιν, ἔπειτα καὶ ψευδῆ καταμαθὼν τῇ πείρᾳ τὸν προκατέχοντα λόγον ὡσ ἔκπυρα εἰή καὶ θηρίοισ μᾶλλον οἰκήσιμα τὰ ἐν τοῖσ πεδίοισ ἢ ἀνθρωπείῳ γένει· διόπερ ὡρ́μησεν ἐπὶ ταῦτα ἀφεὶσ ἐκεῖνα, ὥστε καὶ ἐγνώσθη ταῦτα ἀντ’ ἐκείνων ἐπὶ πλέον.

상위

Geography (지리학)

목록

일치하는 문장이 없습니다.

SEARCH

MENU NAVIGATION