Strabo, Geography, Book 13, chapter 1 48:

(스트라본, 지리학, Book 13, chapter 1 48:)

ἔστι τοίνυν μετ’ Ἄβυδον ἥ τε Δαρδανὶσ ἄκρα, ἧσ μικρὸν πρότερον ἐμνήσθημεν, καὶ ἡ πόλισ ἡ Δάρδανοσ, διέχουσα τῆσ Ἀβύδου ἑβδομήκοντα σταδίουσ. μεταξύ τε ὁ Ῥοδίοσ ἐκπίπτει ποταμόσ, καθ’ ὃν ἐν τῇ Χερρονήσῳ τὸ Κυνὸσ σῆμά ἐστιν, ὅ φασιν Ἑκάβησ εἶναι τάφον· οἱ δὲ τὸν Ῥοδίον εἰσ τὸν Αἴσηπον ἐμβάλλειν φασίν· εἷσ δ’ ἐστὶ τῶν ὑπὸ τοῦ ποιητοῦ λεγομένων καὶ οὗτοσ Ῥῆσόσ θ’ Ἑπτάπορόσ τε Κάρησόσ τε Ῥοδίοσ τε. ἡ δὲ Δάρδανοσ κτίσμα ἀρχαῖον, οὕτω δ’ εὐκαταφρόνητον ὥστε πολλάκισ οἱ βασιλεῖσ οἱ μὲν μετῴκιζον αὐτὴν εἰσ Ἄβυδον οἱ δὲ ἀνῴκιζον πάλιν εἰσ τὸ ἀρχαῖον κτίσμα. ἐνταῦθα δὲ συνῆλθον Σύλλασ τε Κορνήλιοσ ὁ τῶν Ῥωμαίων ἡγεμὼν καὶ Μιθριδάτησ ὁ κληθεὶσ Εὐπάτωρ, καὶ συνέβησαν πρὸσ ἀλλήλουσ ἐπὶ καταλύσει τοῦ πολέμου.

상위

Geography (지리학)

목록

일치하는 문장이 없습니다.

SEARCH

MENU NAVIGATION