헬라어 문장 검색 - ΣτραβόΓεογραπ́08́08́005́

(스트라본, 지리학, Book 8, chapter 8 5:)

περὶ δὲ τοῦ Ἀλφειοῦ καὶ τοῦ Εὐρώτα τὸ συμβεβηκὸσ παράδοξον εἴρηται καὶ τὸ περὶ Ἐρασῖνον τὸν ἐκδιδόντα ἐκ τῆσ Στυμφαλίδοσ λίμνησ εἰσ τὴν Ἀργείαν νυνί, πρότερον δ’ οὐκ ἔχοντα ἔκρυσιν, τῶν βερέθρων, ἃ καλοῦσιν οἱ Ἀρκάδεσ ζέρεθρα, τυφλῶν ὄντων καὶ μὴ δεχομένων ἀπέρασιν ὥστε τὴν τῶν Στυμφαλίων πόλιν νῦν μὲν καὶ πεντήκοντα διέχειν σταδίουσ ἀπὸ τῆσ λίμνησ, τότε δ’ ἐπ’ αὐτῆσ κεῖσθαι. τοσαῦτα καὶ περὶ Ἀρκαδίασ εἰρήσθω. τἀναντία δ’ ὁ Λάδων ἔπαθε τοῦ ῥεύματοσ ἐπισχεθέντοσ ποτὲ διὰ τὴν ἔμφραξιν τῶν πηγῶν· συμπεσόντα γὰρ τὰ περὶ Φενεὸν βέρεθρα ὑπὸ σεισμοῦ, δι’ ὧν ἦν ἡ φορά, μονὴν ἐποίησε τοῦ ῥεύματοσ μέχρι τῶν κατὰ βάθουσ φλεβῶν τῆσ πηγῆσ. καὶ οἱ μὲν οὕτω λέγουσιν· Ἐρατοσθένησ δέ φησι περὶ Φενεὸν μὲν τὸν Ἀνίαν καλούμενον ποταμὸν λιμνάζειν τὰ πρὸ τῆσ πόλεωσ, καταδύεσθαι δ’ εἴσ τινασ ἠθμοὺσ οὓσ καλεῖσθαι ζέρεθρα· τούτων δ’ ἐμφραχθέντων ἔσθ’ ὅτε ὑπερχεῖσθαι τὸ ὕδωρ εἰσ τὰ πεδία, πάλιν δ’ ἀναστομουμένων ἄθρουν ἐκ τῶν πεδίων ἐκπεσὸν εἰσ τὸν Λάδωνα καὶ τὸν Ἀλφειὸν ἐμβάλλειν, ὥστε καὶ τῆσ Ὀλυμπίασ κλυσθῆναί ποτε τὴν περὶ τὸ ἱερὸν γῆν, τὴν δὲ λίμνην συσταλῆναι· τὸν Ἐρασῖνον δὲ παρὰ Στυμφάλου ῥέοντα ὑποδύντα ὑπὸ τὸ ὄροσ ἐν τῇ Ἀργείᾳ πάλιν ἀναφανῆναι· διὸ δὴ καὶ Ἰφικράτη πολιορκοῦντα τὸν Στύμφαλον καὶ μηδὲν περαίνοντα ἐπιχειρῆσαι τὴν κατάδυσιν ἀποφράξαι σπόγγουσ πορισάμενον πολλούσ, παύσασθαι δὲ διοσημίασ γενομένησ. περὶ Φενεὸν δ’ ἔστι καὶ τὸ καλούμενον Στυγὸσ ὕδωρ, λιβάδιον ὀλεθρίου ὕδατοσ νομιζόμενον ἱερόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 8 5:

(스트라본, 지리학, Book 8, chapter 8 5:)

상위

목록

SEARCH

MENU NAVIGATION