헬라어 문장 검색 - ΣτραβόΓεογραπ́08́04́002́

(스트라본, 지리학, Book 8, chapter 4 2:)

ἡ δὲ Μεσσηνία συνεχήσ ἐστι τῇ Ἠλείᾳ, περινεύουσα τὸ πλέον ἐπὶ τὸν νότον καὶ τὸ Λιβυκὸν πέλαγοσ. αὕτη δ’ ἐπὶ μὲν τῶν Τρωικῶν ὑπὸ Μενελάῳ ἐτέτακτο, μέροσ οὖσα τῆσ Λακωνικῆσ, ἐκαλεῖτο δ’ ἡ χώρα Μεσσήνη· τὴν δὲ νῦν ὀνομαζομένην πόλιν Μεσσήνην, ἧσ ἀκρόπολισ ἡ Ἰθώμη ὑπῆρξεν, οὔπω συνέβαινεν ἐκτίσθαι· μετὰ δὲ τὴν Μενελάου τελευτήν, ἐξασθενησάντων τῶν διαδεξαμένων τὴν Λακωνικήν, οἱ Νηλεῖδαι τῆσ Μεσσηνίασ ἐπῆρχον. καὶ δὴ κατὰ τὴν τῶν Ἡρακλειδῶν κάθοδον καὶ τὸν τότε γενηθέντα μερισμὸν τῆσ χώρασ ἦν Μέλανθοσ βασιλεὺσ τῶν Μεσσηνίων καθ’ αὑτοὺσ ταττομένων, πρότερον δ’ ὑπήκοοι ἦσαν τοῦ Μενελάου. σημεῖον δέ· ἐκ γὰρ τοῦ Μεσσηνιακοῦ κόλπου καὶ τοῦ συνεχοῦσ Ἀσιναίου λεγομένου ἀπὸ τῆσ Μεσσηνιακῆσ Ἀσίνησ αἱ ἑπτὰ ἦσαν πόλεισ, ἃσ ὑπέσχετο δώσειν ὁ Ἀγαμέμνων τῷ Ἀχιλλεῖ Καρδαμύλην Ἐνόπην τε καὶ Ἱρὴν ποιήεσσαν Φηράσ τε ζαθέασ ἠδ’ Ἄνθειαν βαθύλειμον καλήν τ’ Αἴπειαν καὶ Πήδασον ἀμπελόεσσαν, οὐκ ἂν τάσ γε μὴ προσηκούσασ μήτ’ αὐτῷ μήτε τῷ ἀδελφῷ ὑποσχόμενοσ. ἐκ δὲ τῶν Φηρῶν καὶ συστρατεύσαντασ τῷ Μενελάῳ δηλοῖ ὁ ποιητήσ, τὸν δὲ Οἴτυλον καὶ συγκαταλέγει τῷ Λακωνικῷ καταλόγῳ, ἱδρυμένον ἐν τῷ Μεσσηνιακῷ κόλπῳ. ἔστι δ’ ἡ Μεσσήνη μετὰ Τριφυλίαν· κοινὴ δ’ ἐστὶν ἀμφοῖν ἄκρα, μεθ’ ἣν τὸ Κορυφάσιον· ὑπέρκειται δ’ ὄροσ ἐν ἑπτὰ σταδίοισ τὸ Αἰγαλέον τούτου τε καὶ τῆσ θαλάττησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 4 2:

(스트라본, 지리학, Book 8, chapter 4 2:)

상위

목록

SEARCH

MENU NAVIGATION