헬라어 문장 검색 - Πλυταρ́Θυαεστι

(플루타르코스, Quaestiones Convivales, book 1, Τίσ αἰτία, δι’ ἣν τὸ ἄλφα προτέτακται τῶν στοιχείων. 10:)

ἔφην ἐγώ· "τῷ γὰρ ἐμῷ πάππῳ βοηθεῖν, εἴ τι δύναμαι, δίκαιόσ εἰμι μᾶλλον ἢ τῷ τοῦ Διονύσου. "Λαμπρίασ γὰρ ὁ ἐμὸσ πάπποσ ἔλεγε πρώτην φύσει φωνὴν τῶν ἐνάρθρων ἐκφέρεσθαι διὰ τῆσ τοῦ ἄλφα δυνάμεωσ· "τὸ γὰρ ἐν τῷ στόματι πνεῦμα ταῖσ περὶ τὰ χείλη μάλιστα πλάττεσθαι κινήσεσιν, ὧν πρώτην ἀνοιγομένων τὴν ἄνω διάστασιν οὖσαν ἐξιέναι τοῦτον τὸν ἦχον, ἁπλοῦν ὄντα κομιδῇ καὶ μηδεμιᾶσ δεόμενον πραγματείασ, μήτε τὴν γλῶτταν παρακαλοῦντα μήδ’ ὑπομένοντα, ἀλλὰ κατὰ χώραν ἀποκειμένησ ἐκείνησ ἐκπεμπόμενον ᾗ καὶ τὰ νήπια ταύτην πρώτην ἀφιέναι φωνήν. ὠνομάσθαι δὲ καὶ τὸ ἀίειν ἐπὶ τῷ φωνῆσ αἰσθάνεσθαι καὶ πολλὰ τῶν ὁμοίων, ὥσπερ καὶ τὸ ᾄδειν καὶ τὸ αὐλεῖν καὶ τὸ ἀλαλάζειν . οἶμαι δὲ καὶ τὸ αἴρειν καὶ τὸ ἀνοίγειν οὐκ ἀπὸ τρόπου τῇ τῶν χειλῶν ἀνοίξει καὶ ἄρσει, καθ’ ἣν οὗτοσ ἐκπίπτει τοῦ στόματοσ ὁ φθόγγοσ, ὠνομάσθαι διὸ καὶ τὰ τῶν ἀφώνων γραμμάτων ὀνόματα πλὴν ἑνὸσ ἅπαντα προσχρῆται τῷ ἄλφα καθάπερ φωτὶ τῆσ περὶ αὐτὰ τυφλότητοσ · "τοῦ δὲ πῖ μόνον ἄπεστιν ἡ δύναμισ αὕτη· "τὸ γὰρ φῖ καὶ τὸ χῖ τὸ μέν ἐστι πῖ τὸ δὲ κάππα δασυνόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 1, Τίσ αἰτία, δι’ ἣν τὸ ἄλφα προτέτακται τῶν στοιχείων. 10:

(플루타르코스, Quaestiones Convivales, book 1, Τίσ αἰτία, δι’ ἣν τὸ ἄλφα προτέτακται τῶν στοιχείων. 10:)

상위

목록

SEARCH

MENU NAVIGATION