헬라어 문장 검색 - Πλυταρ́Θυαεστι

(플루타르코스, Quaestiones Convivales, book 1, Περὶ τοῦ ἀριθμοῦ τῶν Μουσῶν ὅσα λέγεται μὴ κοινῶσ.)

συνῄσαμεν τῷ Ἐράτωνι πρὸσ τὴν λύραν ἐκ τῶν Ἡσιόδου τὰ περὶ τὴν τῶν Μουσῶν γένεσιν. "ὑμεῖσ οἱ τὴν Καλλιόπην ἀποσπῶντεσ ἡμῶν, σὺν τοῖσ βασιλεῦσιν αὐτὴν παρεῖναί φασιν, οὐκ ἀναλύουσι δήπου συλλογισμοὺσ οὐδ’ ἐρωτῶσι μεταλλάττοντασ, ἀλλὰ ταῦτα πράττουσιν ἃ ῥητόρων ἐστὶ καὶ πολιτικῶν ἔργα.

"τῶν δ’ ἄλλων ἥ τε Κλειὼ τὸ ἐγκωμιαστικὸν προσάγεται· "κλέα γὰρ ἐκάλουν τοὺσ ἐπαίνουσ· "ἥ τε Πολύμνια τὸ ἱστορικὸν ἔστι γὰρ μνήμη πολλῶν· "ἐνιαχοῦ δὲ καὶ πάσασ· ", ὥσπερ ἐν λείῳ, τὰσ Μούσασ Μνείασ καλεῖσθαι λέγουσιν. "ἐγὼ δὲ μεταποιοῦμαὶ τι καὶ τῆσ Εὐτέρπησ· "εἴπερ, ὥσ φησι Χρύσιπποσ, αὕτη τὸ περὶ τὰσ ὁμιλίασ ἐπιτερπὲσ εἴληχε καὶ κεχαρισμένον. "ὁμιλητικὸσ γὰρ οὐδὲν ἧττον ἢ δικανικὸσ ὁ ῥήτωρ καὶ συμβουλευτικόσ· "αἱ γὰρ ἕξεισ ἔχουσι καὶ εὐμενείασ καὶ συνηγορίασ καὶ ἀπολογίασ· "πλείστῳ δὲ τῷ ἐπαινεῖν χρώμεθα καὶ τῷ ψέγειν, ἐν τούτοισ οὐ φαύλων οὐδὲ μικρῶν τυγχάνοντεσ, ἂν τεχνικῶσ τοῦτο πράττωμεν ἂν δ’ ἀπείρωσ καὶ ἀτεχνῶσ, ἀστοχοῦντεσ· "τὸ γάρ ὦ πόποι, ὡσ ὅδε πᾶσι φίλοσ καὶ τίμιόσ ἐστιν ἀνθρώποισ δὲ μᾶλλον, ὡσ τὸ περὶ τὰσ ὁμιλίασ εὐάρμοστον ἔχουσι, πειθὼ καὶ χάριν οἶμαι προσήκειν. "σοι νεμεσᾶν, ὦ Ἡρώδη, καὶ πλείῃ χειρὶ τῶν Μουσῶν ἐπιδραττομένῳ·

"κοινὰ γὰρ τὰ φίλων. "καὶ διὰ τοῦτο πολλὰσ ἐγέννησε Μούσασ ὁ Ζεύσ, ὅπωσ ᾖ πᾶσιν ἀρύσασθαι τῶν καλῶν ἀφθόνωσ· "οὔτε γὰρ κυνηγίασ πάντεσ οὔτε στρατείασ οὔτε ναυτιλίασ οὔτε βαναυσουργίασ, παιδείασ δὲ καὶ λόγου δεόμεθα πάντεσ εὐρυεδοῦσ ὅσοι καρπὸν αἰνύμεθα χθονόσ ὅθεν Ἀθηνᾶν μίαν καὶ Ἄρτεμιν καὶ Ἥφαιστον ἕνα, Μούσασ δὲ πολλὰσ ἐποίησεν. "ὅτι δ’ ἐννέα καὶ οὐκ ἐλάττουσ οὐδὲ πλείουσ, ἆρ’ ἂν ἡμῖν φράσειασ; "οἶμαι δέ σε πεφροντικέναι φιλόμουσον οὕτω καὶ πολύμουσον ὄντα. "τί δὲ τοῦτο σοφόν;

εἶπεν ὁ Ἡρώδησ· "πᾶσι γὰρ διὰ στόματόσ ἐστι καὶ πάσαισ ὑμνούμενοσ ὁ τῆσ ἐννεάδοσ ἀριθμόσ, ὡσ πρῶτοσ ἀπὸ πρώτου περισσοῦ τετράγωνοσ ὢν καὶ περισσάκισ περισσόσ, ἅτε δὴ τὴν διανομὴν εἰσ τρεῖσ ἴσουσ λαμβάνων περισσούσ. "ἀνδρικῶσ ταυτὶ διεμνημόνευσασ·

"καὶ πρόσθεσ αὐτοῖσ ἔτι τοσοῦτον, τὸν ἀριθμὸν ἐκ δυεῖν τῶν πρώτων κύβων συνηρμόσθαι μονάδοσ καὶ ὀγδοάδοσ, καὶ καθ’ ἑτέραν αὖ πάλιν σύνθεσιν ἐκ δυεῖν τριγώνων, τριάδοσ καὶ ἑξάδοσ ὧν ἑκάτεροσ καὶ τέλειόσ ἐστιν. "ἀλλὰ τί ταῦτα ταῖσ Μούσαισ μᾶλλον ἢ τοῖσ ἄλλοισ θεοῖσ; "προσῆκεν, ὅτι Μούσασ ἔχομεν ἐννέα, Δήμητρασ δὲ καὶ Ἀθηνᾶσ καὶ Ἀρτέμιδασ οὐκ ἔχομεν; "οὐ γὰρ δήπου καὶ σὲ πείθει τὸ Μούσασ γεγονέναι τοσαύτασ, ὅτι τοὔνομα τῆσ μητρὸσ αὐτῶν ἐκ τοσούτων γραμμάτων ἐστίν. γελάσαντοσ δὲ τοῦ Ἡρώδου καὶ σιωπῆσ γενομένησ, προὔτρεπεν ἡμᾶσ ἐπιχειρεῖν ὁ Ἀμμώνιοσ.

εἶπεν οὖν ὁ ἀδελφόσ, ὅτι τρεῖσ ᾔδεσαν οἱ παλαιοὶ Μούσασ· "καὶ τούτου λέγειν ἀπόδειξιν ὀψιμαθέσ ἐστι καὶ ἄγροικον ἐν τοσούτοισ καὶ τοιούτοισ ἀνδράσιν. "αἰτία δ’ οὐχ ὡσ ἔνιοι λέγουσι τὰ μελῳδούμενα γένη, τὸ διάτονον καὶ τὸ χρωματικὸν καὶ τὸ ἐναρμόνιον οὐδ’ οἱ τὰ διαστήματα παρέχοντεσ ὁρ́οι, νήτη καὶ μέση καὶ ὑπάτη· "καίτοι Δελφοί γε τὰσ Μούσασ οὕτωσ ὠνόμαζον, οὐκ ὀρθῶσ ἑνὶ μαθήματι, μᾶλλον δὲ μορίῳ μαθήματοσ ἑνὸσ τοῦ μουσικοῦ , τῷ γ’ ἁρμονικῷ, προστιθέντεσ. "ἁπάσασ δ’ ὡσ ἐγὼ νομίζω τὰσ διὰ λόγου περαινομένασ ἐπιστήμασ καὶ τέχνασ οἱ παλαιοὶ καταμαθόντεσ ἐν τρισὶ γένεσιν οὔσασ, τῷ φιλοσόφῳ καὶ τῷ ῥητορικῷ καὶ τῷ μαθηματικῷ, τριῶν ἐποιοῦντο δῶρα καὶ χάριτασ θεῶν ἃσ Μούσασ ὠνόμαζον. "ὓστερον δὲ καὶ καθ’ Ἡσίοδον ἤδη μᾶλλον ἐκκαλυπτομένων τῶν δυνάμεων, διαιροῦντεσ εἰσ καὶ εἴδη τρεῖσ πάλιν ἑκάστην ἔχουσαν ἐν αὑτῇ διαφορὰσ ἑώρων ὦν ἐν μὲν τῷ μαθηματικῷ τὸ περὶ μουσικήν ἐστι καὶ τὸ περὶ ἀριθμητικὴν καὶ τὸ περὶ γεωμετρίαν, ἐν τῷ φιλοσόφῳ τὸ λογικὸν καὶ τὸ ἠθικὸν καὶ τὸ φυσικόν, ἐν τῷ ῥητορικῷ τὸ ἐγκωμιαστικὸν πρῶτον γεγονέναι λέγουσι, δεύτερον τὸ συμβουλευτικόν, ἔσχατον δὲ τὸ δικανικόν. ὧν μηδὲν ἄθεον μηδ’ ἄμουσον εἶναι ἄμοιρον κρείττονοσ καὶ ἡγεμονίασ ἀξιοῦντεσ, εἰκότωσ ἰσαρίθμουσ τὰσ Μούσασ οὐκ ἐποίησαν ἀλλ’ οὔσασ ἀνεῦρον. "ὥσπερ οὖν τὰ ἐννέα διαίρεσιν εἰσ τρεῖσ λαμβάνει τριάδασ, ὧν ἑκάστη πάλιν εἰσ μονάδασ διαιρεῖται τοσαύτασ· "οὕτωσ ἓν μέν ἐστι καὶ κοινὸν ἡ τοῦ λόγου περὶ τὸ κύριον ὀρθότησ, νενέμηνται σύντρεισ εἰσ τῶν τριῶν γενῶν ἕκαστον· "εἶτα πάλιν αὖ μοναδικῶσ ἑκάστη μίαν περιέπει λαχοῦσα καὶ κοσμεῖ δύναμιν. "οὐ οἶμαι τοὺσ ποιηματικοὺσ καὶ τοὺσ ἀστρολογικοὺσ ἐγκαλεῖν ἡμῖν ὡσ παραλείπουσι· "τὰσ τέχνασ αὐτῶν, εἰδότασ οὐδὲν ἧττον ἡμῶν ἀστρολογίαν γεωμετρίᾳ ποιητικὴν δὲ μουσικῇ συννεμομένην. "τῇ δ’, τέχνῃ τί παθὼν τὸ Μουσεῖον ἀποκέκλεικασ;

"συμπαρακαλεῖσ ἐπὶ τὴν κατηγορίαν· "καὶ γὰρ ἡμεῖσ οἱ γεωργοὶ τὴν Θάλειαν οἰκειούμεθα,· "φυτῶν καὶ σπερμάτων εὐθαλούντων καὶ βλαστανόντων ἐπιμέλειαν αὐτῇ καὶ σωτηρίαν ἀποδιδόντεσ. "ποιεῖτε·

"καὶ γὰρ ὑμῖν ἔστι Δημήτηρ ἀνησιδώρα καὶ Διόνυσοσ δενδρέων νομὸν πολυγαθὴσ αὐξάνων, ἁγνὸν φέγγοσ ὀπώρασ ὡσ Πίνδαρόσ φησι· "καὶ τοὺσ ἰατροὺσ Ἀσκληπιὸν ἔχοντασ ἴσμεν ἡγεμόνα καὶ Ἀπόλλωνι Παιᾶνι χρωμένουσ πάντα, Μουσηγέτῃ μηθέν. πάντεσ γάρ ἄνθρωποι θεῶν χατέουσι καθ’ Ὅμηρον, οὐ πάντεσ δὲ πάντων. "ἀλλ’ ἐκεῖνο θαυμάζω, πῶσ ἔλαθε Λαμπρίαν τὸ λεγόμενον ὑπὸ Δελφῶν. λέγουσι γάρ οὐ φθόγγων οὐδὲ χορδῶν ἐπωνύμουσ γεγονέναι τὰσ Μούσασ παρ’ αὐτοῖσ· "ἀλλά, τοῦ κόσμου τριχῇ πάντα νενεμημένου, πρώτην μὲν εἶναι τὴν τῶν ἀπλανῶν μερίδα, δευτέραν δὲ τὴν τῶν πλανωμένων, ἐσχάτην δὲ τὴν τῶν ὑπὸ σελήνην συνηρτῆσθαι δὲ πάσασ καὶ συντετάχθαι κατὰ λόγουσ ἐναρμονίουσ, ὧν ἑκάστησ φύλακα Μοῦσαν εἶναι, τῆσ μὲν πρώτησ ὑπάτην τῆσ δ’ ἐσχάτησ Νεάτην, Μέσην δὲ τὴν μεταξὺ συνέχουσαν ἅμα καὶ συνεπιστρέφουσαν, ὡσ ἀνυστὸν ἐστι, τὰ θνητὰ τοῖσ θεοῖσ καὶ τὰ περίγεια τοῖσ οὐρανίοισ· "ὡσ καὶ Πλάτων ᾐνίξατο τοῖσ τῶν Μοιρῶν ὀνόμασι τὴν μὲν Ἄτροπον τὴν δὲ Κλωθὼ τὴν δὲ Λάχεσιν προσαγορεύσασ· "ἐπεὶ ταῖσ γε τῶν ὀκτὼ σφαιρῶν περιφοραῖσ Σειρῆνασ οὐ Μούσασ ἰσαρίθμουσ ἐπέστησεν. "ἁμωσγέπωσ μετέχει πιθανότητοσ·

"ὁ δὲ Πλάτων ἄτοποσ, ταῖσ μὲν ἀιδίοισ καὶ θείαισ περιφοραῖσ ἀντὶ τῶν Μουσῶν τὰσ Σειρῆνασ ἐνιδρύων, οὐ πάνυ φιλανθρώπουσ οὐδὲ χρηστὰσ δαίμονασ· "τὰσ δὲ Μούσασ ἢ παραλείπων παντάπασιν ἢ τοῖσ τῶν Μοιρῶν ὀνόμασι προσαγορεύων καὶ καλῶν θυγατέρασ Ἀνάγκησ. "ἄμουσον γὰρ ἡ Ἀνάγκη μουσικὸν δ’ ἡ Πειθώ, καὶ Μούσαισ φιλοδαμοῦσα πολὺ μᾶλλον οἶμαι τῆσ Ἐμπεδοκλέουσ Χάριτοσ στυγέει δύστλητον ἀνάγκην. "τὴν ἐν ἡμῖν ἀκούσιον αἰτίαν καὶ ἀπροαίρετον ἡ δ’ ἐν θεοῖσ ἀνάγκη δύστλητοσ οὔκ ἐστ’ οἶμαι δ’ οὐδὲ δυσπειθὴσ οὐδὲ βιαία, πλὴν τοῖσ κακοῖσ, ὥσ ἐστι νόμοσ ἐν πόλει τοῖσ βελτίστοισ τὸ βέλτιστον αὐτῆσ, ἀπαράτρεπτον καὶ ἀπαράβατον οὐ τῷ μὲν ἀδυνάτῳ τῷ δ’ ἀβουλήτῳ τῆσ μεταβολῆσ.

αἵ γε μὲν δὴ Ὁμήρου Σειρῆνεσ οὐ κατὰ λόγον ἡμᾶσ; "τῷ μύθῳ φοβοῦσιν, ἀλλὰ κἀκεῖνοσ ὀρθῶσ ᾐνίττετο τὴν τῆσ μουσικῆσ αὐτῶν δύναμιν οὐκ ἀπάνθρωπον οὐδ’ ὀλέθριον οὖσαν ἀλλὰ ταῖσ ἐντεῦθεν ἀπιούσαισ ἐκεῖ ψυχαῖσ, ὡσ ἐοίκε, καὶ πλανωμέναισ μετὰ τὴν τελευτὴν ἔρωτα πρὸσ τὰ οὐράνια καὶ θεῖα λήθην δὲ τῶν θνητῶν ἐμποιοῦσαν κατέχειν καὶ κατᾴδειν θελγομένασ· "αἱ δ’ ὑπὸ χαρᾶσ ἕπονται καὶ συμπεριπολοῦσιν. "ἐνταῦθα δὲ πρὸσ ἡμᾶσ ἀμυδρά τισ οἱο͂ν ἠχὼ τῆσ μουσικῆσ ἐκείνησ ἐξικνουμένη διὰ λόγων ἐκκαλεῖται καὶ ἀναμιμνήσκει τὰσ ψυχὰσ τῶν τότε· "τὰ δ’ ὦτα τῶν μὲν πλείστων περιαλήλιπται καὶ καταπέπλασται σαρκίνοισ ἐμφράγμασι καὶ πάθεσιν, οὐ κηρίνοισ· "ἣ δὲ δι’ εὐφυϊάν αἰσθάνεται καὶ μνημονεύει, καὶ τῶν ἐμμανεστάτων ἐρώτων οὐδὲν ἀποδεῖ τὸ πάθοσ αὐτῆσ, γλιχομένησ καὶ ποθούσησ λῦσαί τε μὴ δυναμένησ ἑαυτὴν ἀπὸ τοῦ σώματοσ. "οὐ μὴν ἔγωγε παντάπασι συμφέρομαι τούτοισ· "ἀλλά μοι δοκεῖ Πλάτων ὡσ ἀτράκτουσ καὶ ἠλακάτασ τοὺσ ἄξονασ, σφονδύλουσ δὲ τοὺσ ἀστέρασ, ἐξηλλαγμένωσ ἐνταῦθα καὶ τὰσ Μούσασ Σειρῆνασ ὀνομάζειν εἰρούσασ τὰ θεῖα καὶ λεγούσασ ἐν Αἵδου, καθάπερ Σοφοκλέουσ Ὀδυσσεὺσ φησι Σειρῆνασ εἰσαφικέσθαι Φόρκου κόρασ, θροοῦντε τοὺσ Αἵδου νόμουσ" Μοῦσαι δ’ εἰσὶν ὀκτὼ καὶ συμπεριπολοῦσι ταῖσ ὀκτὼ σφαίραισ, μία δὲ τὸν περὶ γῆν εἴληχε τόπον. αἱ μὲν οὖν ὀκτὼ περιόδοισ ἐφεστῶσαι τὴν τῶν πλανωμένων ἄστρων πρὸσ τὰ ἀπλανῆ καὶ πρὸσ ἄλληλα συνέχουσι καὶ διασῴζουσιν ἁρμονίαν·

διὰ λόγου καὶ ᾠδῆσ πειθὼ πολιτικῆσ καὶ κοινωνητικῆσ συνεργὸν ἐπάγουσα παραμυθουμένην καὶ κηλοῦσαν ἡμῶν τὸ ταραχῶδεσ καὶ τὸ πλανώμενον ὥσπερ ἐξ ἀνοδίασ ἀνακαλουμένην ἐπιεικῶσ καὶ καθιστᾶσαν.

ὅσσα δὲ μὴ πεφίληκε Ζεύσ, ἀτύζονται βοὰν Πιερίδων ἀίοντα κατὰ Πίνδαρον.

"καὶ Πλάτων αὐτὸσ ὥσπερ ἴχνεσι τοῖσ ὀνόμασι τῶν θεῶν ἀνευρίσκειν οἰέται τὰσ δυνάμεισ·

"καὶ ἡμεῖσ ὁμοίωσ μὲν τιθῶμεν ἐν οὐρανῷ καὶ περὶ τὰ οὐράνια μίαν τῶν Μουσῶν· ", ἣ Οὐρανία φαίνεται· "καὶ εἰκὸσ ἐκεῖνα μὴ πολλῆσ μηδὲ ποικίλησ κυβερνήσεωσ δεῖσθαι, μίαν ἔχοντα καὶ ἁπλῆν αἴτιον φύσιν· "ὅπου δὲ πολλαὶ πλημμέλειαι πολλαὶ δ’ ἀμετρίαι καὶ παραβάσεισ, ἐνταῦθα τὰσ ὀκτὼ μετοικιστέον, ἄλλην ἄλλο κακίασ καὶ ἀναρμοστίασ εἶδοσ ἐπανορθουμένασ. "ἐπεὶ δὲ τοῦ βίου τὸ μὲν σπουδῇ τὸ δὲ παιδιᾷ μέροσ ἐστί, καὶ δεῖται τοῦ μουσικῶσ καὶ μετρίωσ, τὸ μὲν σπουδάζον ἡμῶν ἥ τε Καλλιόπη καὶ ἡ Κλειὼ καὶ ἡ Θάλεια, τῆσ περὶ θεοὺσ ἐπιστήμησ καὶ θέασ ἡγεμὼν οὖσα, δόξουσιν ἐπιστρέφειν καὶ συγκατορθοῦν· "αἱ δὲ λοιπαὶ τὸ μεταβάλλον ἐφ’ ἡδονὴν καὶ παιδιὰν ὑπ’ ἀσθενείασ μὴ περιορᾶν ἀνιέμενον ἀκολάστωσ καὶ θηριωδῶσ, ἀλλ’ ὀρχήσει καὶ ᾠδῇ καὶ χορείᾳ ῥυθμὸν ἐχούσῃ καὶ ἁρμονίᾳ καὶ λόγῳ κεραννύμενον εὐσχημόνωσ καὶ κοσμίωσ ἐκδέχεσθαι καὶ παραπέμπειν. "ἐγὼ μέντοι, τοῦ Πλάτωνοσ ἐν ἑκάστῳ δύο πράξεων ἀπολείποντοσ ἀρχάσ, τὴν μὲν ἔμφυτον ἐπιθυμίαν ἡδονῶν τὴν δ’ ἐπείσακτον δόξαν ἐφιεμένην τοῦ ἀρίστου, καὶ τὸ μὲν λόγον τὸ δὲ πάθοσ ἔστιν ὅτε καλοῦντοσ, ἑτέρασ δ’ αὖ πάλιν τούτων ἑκατέρου διαφορὰσ ἔχοντοσ, ἑκάστην ὁρῶ μεγάλησ καὶ θείασ ὡσ ἀληθῶσ παιδαγωγίασ δεομένην. "αὐτίκα τοῦ λόγου τὸ μέν ἐστι πολιτικὸν καὶ βασιλικόν, ἐφ’ ᾧ τὴν Καλλιόπην τετάχθαι φησὶν ὁ Ἡσίοδοσ· "τὸ φιλότιμον δ’ ἡ Κλειὼ μάλιστα κυδαίνειν καὶ συνεπιγαυροῦν εἴληχεν ἡ δὲ Πολύμνια τοῦ φιλομαθοῦσ ἐστι καὶ μνημονικοῦ τῆσ ψυχῆσ· "διὸ καὶ Σικυώνιοι τῶν τριῶν Μουσῶν μίαν Πολυμάθειαν καλοῦσιν. "Εὐτέρπῃ δὲ πᾶσ ἄν τισ ἀποδοίη τὸ θεωρητικὸν τῆσ περὶ φύσιν ἀληθείασ, οὔτε καθαρωτέρασ οὔτε καλλίουσ ἑτέρῳ γένει παραλιπὼν εὐπαθείασ καὶ τέρψεισ. "τῆσ δ’ ἐπιθυμίασ τὸ μὲν περὶ ἐδωδὴν καὶ πόσιν ἡ Θάλεια κοινωνητικὸν ποιεῖ καὶ συμποτικὸν ἐξ ἀπανθρώπου καὶ θηριώδουσ· "διὸ τοὺσ φιλοφρόνωσ καὶ ἱλαρῶσ συνόντασ ἀλλήλοισ ἐν οἴνῳ θαλιάζειν λέγομεν, οὐ τοὺσ ὑβρίζοντασ καὶ παροινοῦντασ· "ταῖσ δὲ περὶ συνουσίαν σπουδαῖσ ἡ Ἐρατὼ παροῦσα μετὰ πειθοῦσ λόγον ἐχούσησ καὶ καιρὸν ἐξαιρεῖ καὶ κατασβέννυσι τὸ μανικὸν τῆσ ἡδονῆσ καὶ οἰστρῶδεσ, εἰσ φιλίαν καὶ πίστιν οὐχ ὕβριν οὐδ’ ἀκολασίαν τελευτώσησ. "οἵδε καὶ ὀφθαλμῶν ἡδονήν, εἶδοσ εἴτε τῷ λόγῳ μᾶλλον εἴτε τῷ πάθει προσῆκον εἴτε κοινὸν ἀμφοῖν ἐστιν, αἱ λοιπαὶ δύο, Μελπομένη καὶ Τερψιχόρη, παραλαβοῦσαι κοσμοῦσιν· "ὥστε τὴν μὲν εὐφροσύνην μὴ κήλησιν εἶναι, τὸ δὲ μὴ γοητείαν ἀλλὰ τέρψιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 1, Περὶ τοῦ ἀριθμοῦ τῶν Μουσῶν ὅσα λέγεται μὴ κοινῶσ.

(플루타르코스, Quaestiones Convivales, book 1, Περὶ τοῦ ἀριθμοῦ τῶν Μουσῶν ὅσα λέγεται μὴ κοινῶσ.)

상위

목록

SEARCH

MENU NAVIGATION