Plutarch, Regum et imperatorum apophthegmata, Πλούταρχοσ Τραιανῶι αὐτοκράτορι εὖ πράττειν, section 1 1:

Ἀρταξέρξησ ὁ Περσῶν βασιλεύσ, ὦ μέγιστε αὐτόκρατορ Καῖσαρ Τραϊανέ, οὐχ ἧττον οἰόμενοσ βασιλικὸν καὶ φιλάνθρωπον εἶναι τοῦ μεγάλα διδόναι τὸ μικρὰ λαμβάνειν εὐμενῶσ καὶ προθύμωσ, ἐπεί, παρελαύνοντοσ αὐτοῦ καθ’ ὁδὸν, αὐτουργὸσ ἄνθρωποσ καὶ ἰδιώτησ οὐδὲν ἔχων ἕτερον ἐκ τοῦ ποταμοῦ ταῖσ χερσὶν ἀμφοτέραισ ὕδωρ ὑπολαβὼν προσήνεγκεν, ἡδέωσ ἐδέξατο καὶ ἐμειδίασε, τῇ προθυμίᾳ τοῦ διδόντοσ οὐ τῇ χρείᾳ τοῦ διδομένου τὴν χάριν μετρήσασ.