헬라어 문장 검색 - Πλυταρ́Ρεγυμετ́01́01́

(플루타르코스, Regum et imperatorum apophthegmata, Πλούταρχοσ Τραιανῶι αὐτοκράτορι εὖ πράττειν, section 1)

Ἀρταξέρξησ ὁ Περσῶν βασιλεύσ, ὦ μέγιστε αὐτόκρατορ Καῖσαρ Τραϊανέ, οὐχ ἧττον οἰόμενοσ βασιλικὸν καὶ φιλάνθρωπον εἶναι τοῦ μεγάλα διδόναι τὸ μικρὰ λαμβάνειν εὐμενῶσ καὶ προθύμωσ, ἐπεί, παρελαύνοντοσ αὐτοῦ καθ’ ὁδὸν, αὐτουργὸσ ἄνθρωποσ καὶ ἰδιώτησ οὐδὲν ἔχων ἕτερον ἐκ τοῦ ποταμοῦ ταῖσ χερσὶν ἀμφοτέραισ ὕδωρ ὑπολαβὼν προσήνεγκεν, ἡδέωσ ἐδέξατο καὶ ἐμειδίασε, τῇ προθυμίᾳ τοῦ διδόντοσ οὐ τῇ χρείᾳ τοῦ διδομένου τὴν χάριν μετρήσασ. ὁ δὲ Λυκοῦργοσ εὐτελεστάτασ ἐποίησεν ἐν Σπάρτῃ τὰσ θυσίασ, ἵνα ἀεὶ τοὺσ θεοὺσ τιμᾶν ἑτοίμωσ δύνωνται καὶ ῥᾳδίωσ ἀπὸ τῶν παρόντων.

τοιαύτῃ δή τινι γνώμῃ κἀμοῦ λιτά σοι δῶρα καὶ ξένια καὶ κοινὰσ ἀπαρχὰσ προσφέροντοσ ἀπὸ φιλοσοφίασ, ἅμα τῇ προθυμίᾳ καὶ τὴν χρείαν ἀπόδεξαι τῶν ἀπομνημονευμάτων, εἰ πρόσφορον ἔχει τι πρὸσ κατανόησιν ἠθῶν καὶ προαιρέσεων ἡγεμονικῶν, ἐμφαινομένων τοῖσ λόγοισ μᾶλλον ἢ ταῖσ πράξεσιν αὐτῶν. καὶ παρ’ Ἕλλησιν ἡγεμόνων καὶ νομοθετῶν καὶ αὐτοκρατόρων ἀλλὰ τῶν μὲν πράξεων αἱ πολλαὶ τύχην ἀναμεμιγμένην ἔχουσιν, αἱ δὲ γιγνόμεναι παρὰ τὰ ἔργα καὶ τὰ πάθη καὶ τὰσ τύχασ ἀποφάσεισ καὶ ἀναφωνήσεισ, ὥσπερ ἐν κατόπτροισ καθαρῶσ παρέχουσι τὴν ἑκάστου διάνοιαν ἀποθεωρεῖν.

ᾗ καὶ Σειράμνησ ὁ Πέρσησ πρὸσ τοὺσ θαυμάζοντασ ὅτι τῶν λόγων αὐτοῦ νοῦν ἐχόντων αἱ πράξεισ οὐ κατορθοῦνται, τῶν μὲν λόγων ἔφη κύριοσ αὐτὸσ εἶναι, τῶν δὲ πράξεων τὴν τύχην μετὰ τοῦ βασιλέωσ. ἐκεῖ μὲν οὖν ἅμα αἱ ἀποφάσεισ τῶν ἀνδρῶν τὰσ πράξεισ παρακειμένασ ἔχουσαι, σχολάζουσαν φιληκοϊάν περιμένουσιν ἐνταῦθα δὲ καὶ τοὺσ λόγουσ αὐτοὺσ καθ’ αὑτοὺσ ὥσπερ δείγματα τῶν βίων καὶ σπέρματα συνειλεγμένουσ οὐδὲν οἰόμαί σοι τὸν καιρὸν ἐνοχλήσειν, ἐν βραχέσι πολλῶν ἀναθεώρησιν ἀνδρῶν ἀξίων μνήμησ γενομένων λαμβάνοντι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Regum et imperatorum apophthegmata, Πλούταρχοσ Τραιανῶι αὐτοκράτορι εὖ πράττειν, section 1

(플루타르코스, Regum et imperatorum apophthegmata, Πλούταρχοσ Τραιανῶι αὐτοκράτορι εὖ πράττειν, section 1)

상위

목록

SEARCH

MENU NAVIGATION