Plutarch, Quaestiones Convivales, book 1, Περὶ τοῦ ἀριθμοῦ τῶν Μουσῶν ὅσα λέγεται μὴ κοινῶσ. 6:

"ἀνδρικῶσ ταυτὶ διεμνημόνευσασ· "καὶ πρόσθεσ αὐτοῖσ ἔτι τοσοῦτον, τὸν ἀριθμὸν ἐκ δυεῖν τῶν πρώτων κύβων συνηρμόσθαι μονάδοσ καὶ ὀγδοάδοσ, καὶ καθ’ ἑτέραν αὖ πάλιν σύνθεσιν ἐκ δυεῖν τριγώνων, τριάδοσ καὶ ἑξάδοσ ὧν ἑκάτεροσ καὶ τέλειόσ ἐστιν. "ἀλλὰ τί ταῦτα ταῖσ Μούσαισ μᾶλλον ἢ τοῖσ ἄλλοισ θεοῖσ; "προσῆκεν, ὅτι Μούσασ ἔχομεν ἐννέα, Δήμητρασ δὲ καὶ Ἀθηνᾶσ καὶ Ἀρτέμιδασ οὐκ ἔχομεν; "οὐ γὰρ δήπου καὶ σὲ πείθει τὸ Μούσασ γεγονέναι τοσαύτασ, ὅτι τοὔνομα τῆσ μητρὸσ αὐτῶν ἐκ τοσούτων γραμμάτων ἐστίν.