헬라어 문장 검색 - Πλυταρ́Θυαεστι

(플루타르코스, Quaestiones Convivales, book 2, Πότερον οἱ παλαιοὶ βέλτιον ἐποίουν πρὸσ μερίδασ ἢ οἱ νῦν ἐκ κοινοῦ δειπνοῦντεσ. 3:)

"χάριν οὐδὲ τοῦ πιεῖν, ἀλλὰ τοῦ συμπιεῖν καὶ συμφαγεῖν ὡσ ἐγᾦμαι καλοῦμεν ἀλλήλουσ, ἡ δ’ εἰσ μερίδασ αὕτη κρεωδαισία τὴν κοινωνίαν ἀναιροῦσα, πολλὰ δεῖπνα ποιεῖ καὶ πολλοὺσ δειπνοῦντασ, οὐδένα δὲ σύνδειπνον οὐδενόσ, ὅταν ὥσπερ ἀπὸ κρεοπωλικῆσ; "τραπέζησ σταθμῷ λαβὼν ἕκαστοσ μοῖραν ἑαυτῷ πρόθηται. "καίτοι τίν’ ἔχει διαφορὰν ἢ κύλικα καταθέντα τῶν κεκλημένων ἑκάστῳ καὶ χοῦν, ἐμπλησάμενον οἴνου, καὶ τράπεζαν ἰδίαν ὥσπερ οἱ Δημοφωντίδαι τῷ Ὀρέστῃ λέγονται, πίνειν κελεῦσαι μὴ προσέχοντα τοῖσ ἄλλοισ· "ἢ τοῦθ’ ὅπερ νῦν γίγνεται, κρέασ προθέμενον καὶ ἄρτον, ὥσπερ ἐκ φάτνησ ἰδίασ ἕκαστον εὐωχεῖσθαι, πλὴν ὅτι μὴ πρόσκειται σιωπῆσ ἡμῖν ἀνάγκη, καθάπερ τοῖσ τὸν Ὀρέστην ξενίζουσιν; "ἀλλὰ καὶ τοῦτ’ ἴσωσ αὐτὸ πρὸσ τὴν ἁπάντων κοινωνίαν ἐκκαλεῖται τοὺσ συνόντασ, ὅτι καὶ λόγῳ κοινῷ πρὸσ ἀλλήλουσ χρώμεθα καὶ ᾠδῇ, ψαλτρίασ τε τερπούσησ; "καὶ αὐλητρίδοσ ὁμοίωσ μετέχομεν· "καὶ ὁ κρατὴρ οὗτοσ ὁρ́ον οὐκ ἔχων ἐν μέσῳ πρόκειται, πηγὴ φιλοφροσύνησ ἄφθονοσ καὶ μέτρον ἔχουσα τῆσ ἀπολαύσεωσ τὴν ὄρεξιν οὐχ ὥσπερ ἡ τοῦ κρέωσ καὶ τοῦ ἄρτου μερὶσ ἀδικωτάτη μέτρῳ καλλωπίζεται τῷ ἴσῳ πρὸσ ἀνίσουσ· "τὸ γὰρ αὐτὸ τῷ μικροῦ δεομένῳ πλέον ἐστὶ τῷ δὲ μείζονοσ ἔλαττον. "ὥσπερ οὖν, ὦ ἑταῖρ’, ὁ κάμνουσι πολλοῖσ ἴσα φάρμακα μέτροισ ἀκριβέσι καὶ σταθμοῖσ διανέμων παγγέλοιοσ, οὕτω τοιοῦτοσ ἑστιάτωρ οἱο͂σ ἀνθρώπουσ οὔτε διψῶντασ ὡσαύτωσ οὔτε πεινῶντασ εἰσ ταὐτὸ συναγαγὼν ἀπὸ τῶν ἴσων θεραπεύειν ἅπαντασ, ἀριθμητικῶσ οὐ γεωμετρικῶσ ὁρίζων τὸ δίκαιον καὶ μέτριον. "εἰσ καπήλου μὲν οὖν φοιτῶμεν ἑνὶ χρώμενοι μέτρῳ τῷ δημοσίῳ πάντεσ· "ἐπὶ δεῖπνον δ’ ἕκαστοσ ἰδίαν ἥκει γαστέρα κομίζων, ἣν οὐ τὸ ἴσον ἀλλὰ τὸ ἀρκοῦν ἐμπίπλησι. "τὰσ δ’ Ὁμηρικὰσ ἐκείνασ δαῖτασ οὐ χρὴ μεταφέρειν ἐκ τῶν στρατιωτικῶν καὶ παρεμβολικῶν ἐνταῦθα δείπνων, ἀλλὰ μᾶλλον τὴν τῶν παλαιῶν φιλανθρωπίαν ζηλοῦν, οὐ μόνον ὁμεστίουσ οὐδ’ ὁμωροφίουσ ἀλλὰ καὶ ὁμοχοίνικασ καὶ ὁμοσίτουσ τῷ πᾶσαν σέβεσθαι κοινωνίαν ἐν τιμῇ τιθεμένουσ. "τὰ μὲν οὖν Ὁμήρου δεῖπνα χαίρειν ἐῶμεν ὑπολιμώδη γάρ ἐστι καὶ διψαλέα καὶ τοὺσ ἑστιάρχασ βασιλεῖσ ἔχοντα τῶν Ἰταλικῶν δεινοτέρουσ καπήλων ὥστε παρὰ τὰσ μάχασ, ἐν χερσὶ τῶν πολεμίων ὄντων, ἀπομνημονεύειν ἀκριβῶσ, πόσον ἕκαστοσ τῶν δεδειπνηκότων παρ’ αὐτοῖσ πέπωκε. "τὰ δὲ Πινδαρικὰ βελτίω δήπουθεν, ἐν οἷσ ἡρ́ωεσ αἰδοίαν ἐμίγνυντ’ ἀμφὶ τράπεζαν θαμά τῷ κοινωνεῖν ἁπάντων ἀλλήλοισ. "ἐκεῖνο γὰρ ἦν οἱο͂ν ἀνάμιξισ καὶ σύγκρασισ ἀληθῶσ, τοῦτο δὲ διαίρεσισ καὶ διαβολὴ τῶν φιλτάτων εἶναι δοκούντων, ὡσ μηδ’ ὄψου κοινωνεῖν δυναμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 2, Πότερον οἱ παλαιοὶ βέλτιον ἐποίουν πρὸσ μερίδασ ἢ οἱ νῦν ἐκ κοινοῦ δειπνοῦντεσ. 3:

(플루타르코스, Quaestiones Convivales, book 2, Πότερον οἱ παλαιοὶ βέλτιον ἐποίουν πρὸσ μερίδασ ἢ οἱ νῦν ἐκ κοινοῦ δειπνοῦντεσ. 3:)

상위

목록

SEARCH

MENU NAVIGATION