Plutarch, De gloria Atheniensium, section 7 8:

ἡ δὲ Θρασυβούλου κατάγει τὸν δῆμον ἀπὸ Φυλῆσ ἐλεύθερον, αἱ δ’ Ἀλκιβιάδου περὶ Σικελίαν ὀλισθοῦσαν τὴν πόλιν ἐγείρουσιν ἐκ δὲ τῶν Νειλέου καὶ Ἀνδρόκλου περὶ Λυδίαν καὶ Καρίαν ἀγώνων Ιὠνίαν ἀνισταμένην ἐπεῖδεν ἡ Ἑλλάσ. τῶν δ’ ἄλλων ἑκάστησ ἂν πύθῃ τί τῇ πόλει γέγονεν ἐξ αὐτῆσ ἀγαθόν, ἡ μὲν ἐρεῖ Λέσβον, ἡ δὲ Σάμον, ἡ δὲ Κύπρον, ἡ δὲ Πόντον Εὔξεινον, ἡ δὲ πεντακοσίασ τριήρεισ, ἡ δὲ μυρία τάλαντα, προῖκα τῆσ δόξησ καὶ τῶν τροπαίων.