헬라어 문장 검색 - Πλυταρ́ΔεΑλεχα

(플루타르코스, De Alexandri magni fortuna aut virtute, chapter 1, section 2 2:)

"μή μου διάβαλλε τὴν ἀρετὴν μηδ’ ἀφαιροῦ περισπῶσα τὴν δόξαν. "Δαρεῖοσ ἦν σὸν ἔργον, ὃν ἐκ δούλου καὶ ἀστάνδου βασιλέωσ κύριον Περσῶν ἐποίησασ· "καὶ Σαρδανάπαλοσ, ᾧ τὸ διάδημα τῆσ βασιλείασ πορφύραν ξαίνοντι περιέθηκασ. "ἐγὼ δ’ εἰσ Σοῦσα νικῶν δι’ Ἀρβήλων ἀναβέβηκα, καὶ Κιλικία μοι πλατεῖαν ἀνέῳξεν Αἴγυπτον, Κιλικίαν δὲ Γράνικοσ, ὃν Μιθριδάτῃ καὶ Σπιθριδάτῃ νεκροῖσ ἐπιβὰσ διεπέρασα. "κόσμει σεαυτὴν καὶ σεμνύνου βασιλεῦσιν ἀτρώτοισ καὶ ἀναιμάκτοισ· "ἐκεῖνοι γὰρ εὐτυχεῖσ ἦσαν, Ὦχοι καὶ Ἀρτοξέρξαι, οὓσ εὐθὺσ ἐκ γενετῆσ τῷ Κύρου θρόνῳ ἐνίδρυσασ. "τοὐμὸν δὲ σῶμα πολλὰ σύμβολα φέρει Τύχησ ἀνταγωνιζομένησ οὐ συμμαχούσησ. "πρῶτον ἐν Ἰλλυριοῖσ λίθῳ τὴν κεφαλὴν ὑπέρῳ δὲ τὸν τράχηλον ἠλοήθην· "ἔπειτα περὶ Γράνικον τὴν κεφαλὴν βαρβαρικῇ μαχαίρᾳ διεκόπην, ἐν δ’ Ἰσσῷ ξίφει τὸν μηρόν· "πρὸσ δὲ Γάξῃ τὸ μὲν σφυρὸν ἐτοξεύθην, τὸν δ’ ὦμον ἐκπεσὼν βαρὺσ ἐξ ἕδρασ περιεδίνησα· "πρὸσ δὲ Μαρακανδάνοισ τοξεύμασι τὸ τῆσ κνήμησ ὀστέον διεσχίσθην· "τὰ λοιπὰ δ’ Ἰνδῶν πληγαὶ καὶ βίαι θυμῶν· "ἐν Ἀσπασίοισ ἐτοξεύθην τὸν ὦμον, ἐν δὲ Γανδρίδαισ τὸ σκέλοσ· "ἐν δὲ Μαλλοῖσ βέλει μὲν ἀπὸ τόξου τὸ στέρνον ἐνερεισθέντι καὶ καταδύσαντι τὸν σίδηρον, ὑπέρου δὲ πληγῇ παρὰ τὸν τράχηλον, ὅτε προστεθεῖσαι τοῖσ τείχεσιν αἱ κλίμακεσ ἐκλάσθησαν ἐμὲ δ’ ἡ Τύχη μόνον συνεῖρξεν οὐδὲ λαμπροῖσ ἀνταγωνισταῖσ , ἀλλὰ βαρβάροισ ἀσήμοισ χαριζομένη τηλικοῦτον ἔργον· "εἰ δὲ μὴ Πτολεμαῖοσ ὑπερέσχε τὴν πέλτην, Λιμναῖοσ δὲ πρὸ ἐμοῦ μυρίοισ ἀπαντήσασ βέλεσιν ἔπεσεν, ἤρειψαν δὲ θυμῷ καὶ βίᾳ Μακεδόνεσ τὸ τεῖχοσ, ἔδει τάφον Ἀλεξάνδρου τὴν βάρβαρον ἐκείνην καὶ ἀνώνυμον κώμην γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 1, section 2 2:

(플루타르코스, De Alexandri magni fortuna aut virtute, chapter 1, section 2 2:)

상위

목록

SEARCH

MENU NAVIGATION