Plato, Cratylus, Theaetetus, Sophist, Statesman, Κρατύλος 329:

ἄρτι γὰρ ἐν τοῖσ πρόσθεν, εἰ μέμνησαι, τὸν τιθέμενον τὰ ὀνόματα ἀναγκαῖον ἔφησθα εἶναι εἰδότα τίθεσθαι οἷσ ἐτίθετο. πότερον οὖν ἔτι σοι δοκεῖ οὕτωσ ἢ οὔ; ἔτι. ἦ καὶ τὸν τὰ πρῶτα τιθέμενον εἰδότα φῂσ τίθεσθαι; εἰδότα. ἐκ ποίων οὖν ὀνομάτων ἢ μεμαθηκὼσ ἢ ηὑρηκὼσ ἦν τὰ πράγματα, εἴπερ τά γε πρῶτα μήπω ἔκειτο, μαθεῖν δ’ αὖ φαμεν τὰ πράγματα καὶ εὑρεῖν ἀδύνατον εἶναι ἄλλωσ ἢ τὰ ὀνόματα μαθόντασ ἢ αὐτοὺσ ἐξευρόντασ οἱᾶ́ ἐστι;