Plato, Laws, book 12 171:

τί δ’, ἐννοεῖν μέν, τὴν δὲ ἔνδειξιν τῷ λόγῳ ἀδυνατεῖν ἐνδείκνυσθαι; καὶ πῶσ; ἀνδραπόδου γάρ τινα σὺ λέγεισ ἕξιν. τί δέ; περὶ πάντων τῶν σπουδαίων ἆρ’ ἡμῖν αὑτὸσ λόγοσ, ὅτι δεῖ τοὺσ ὄντωσ φύλακασ ἐσομένουσ τῶν νόμων ὄντωσ εἰδέναι τὰ περὶ τὴν ἀλήθειαν αὐτῶν, καὶ λόγῳ τε ἱκανοὺσ ἑρμηνεύειν εἶναι καὶ τοῖσ ἔργοισ συνακολουθεῖν, κρίνοντασ τά τε καλῶσ γιγνόμενα καὶ τὰ μὴ κατὰ φύσιν; πῶσ γὰρ οὔ;