Plato, Laws, book 12 112:

κληρώσεισ δὲ δικαστηρίων καὶ πληρώσεισ, καὶ ὑπηρεσιῶν ἑκάσταισ τῶν ἀρχῶν καταστάσεισ, καὶ χρόνουσ ἐν οἷσ ἕκαστα γίγνεσθαι χρεών, καὶ διαψηφίσεων πέρι καὶ ἀναβολῶν, καὶ πάνθ’ ὁπόσα τοιαῦτα ἀναγκαῖα περὶ δίκασ γίγνεσθαι, προτέρων τε καὶ ὑστέρων λήξεισ, ἀποκρίσεών τε ἀνάγκασ καὶ παρακαταβάσεων, καὶ ὅσα τούτων ἀδελφὰ σύμπαντα, εἴπομεν μὲν καὶ πρόσθεν, καλὸν δὲ τό γε ὀρθὸν καὶ δὶσ καὶ τρίσ. πάντα δ’ οὖν ὁπόσα σμικρὰ καὶ ῥᾴδια νόμιμα εὑρίσκειν, πρεσβύτου νομοθέτου παραλιπόντοσ, τὸν νέον ἀναπληροῦν χρὴ νομοθέτην.