호흡부호 보기
강세부호 보기
장단부호 보기
작은 Iota 보기
모든 부호 보기
μετὰ δὲ τὴν δευτέραν, ἔρημον πατέρων γενομένην, μηχανᾶσθαι δεῖ τίνα τρόπον ἡ τῆσ ὀρφανίασ τύχη τοῖσ γενομένοισ ὀρφανοῖσ ὡσ ἥκιστα ἔλεον ἕξει τῆσ συμφορᾶσ. πρῶτον μὲν δή φαμεν νομοθετεῖν αὐτοῖσ τοὺσ νομοφύλακασ ἀντὶ γεννητόρων πατέρασ οὐ χείρουσ, καὶ δὴ καὶ καθ’ ἕκαστον ἐνιαυτὸν ὡσ οἰκείων ἐπιμελεῖσθαι προστάττομεν, ἐμμελῆ τούτοισ τε αὐτοῖσ περὶ τροφῆσ ὀρφανῶν προοιμιασάμενοι καὶ τοῖσ ἐπιτρόποισ. εἴσ τινα γὰρ οὖν μοι καιρὸν φαινόμεθα τοὺσ ἔμπροσθεν λόγουσ διεξελθεῖν, ὡσ ἄρα αἱ τῶν τελευτησάντων ψυχαὶ δύναμιν ἔχουσίν τινα τελευτήσασαι, ᾗ τῶν κατ’ ἀνθρώπουσ πραγμάτων ἐπιμελοῦνται·
호흡부호 보기
강세부호 보기
장단부호 보기
작은 Iota 보기
모든 부호 보기