Plato, Laws, book 10 155:

ὧν ἕνεκα χρὴ πάντων ποιεῖν κατὰ τὸν νῦν λεγόμενον νόμον· πρὸσ τούτοισ δὲ ἕνεκα τῶν ἀσεβούντων, ἵνα μὴ καὶ ταῦτα κλέπτοντεσ ταῖσ πράξεσιν, ἱερά τε καὶ βωμοὺσ ἐν ἰδίαισ οἰκίαισ ἱδρυόμενοι, λάθρᾳ τοὺσ θεοὺσ ἵλεωσ οἰόμενοι ποιεῖν θυσίαισ τε καὶ εὐχαῖσ, εἰσ ἄπειρον τὴν ἀδικίαν αὐξάνοντεσ αὑτοῖσ τε ἐγκλήματα πρὸσ θεῶν ποιῶνται καὶ τοῖσ ἐπιτρέπουσιν, οὖσιν αὐτῶν βελτίοσιν, καὶ πᾶσα οὕτωσ ἡ πόλισ ἀπολαύῃ τῶν ἀσεβῶν τρόπον τινὰ δικαίωσ.