Plato, Laws, book 10 58:

γίγνεται δὴ πάντων γένεσισ, ἡνίκ’ ἂν τί πάθοσ ᾖ; δῆλον ὡσ ὁπόταν ἀρχὴ λαβοῦσα αὔξην εἰσ τὴν δευτέραν ἔλθῃ μετάβασιν καὶ ἀπὸ ταύτησ εἰσ τὴν πλησίον, καὶ μέχρι τριῶν ἐλθοῦσα αἴσθησιν σχῇ τοῖσ αἰσθανομένοισ. μεταβάλλον μὲν οὖν οὕτω καὶ μετακινούμενον γίγνεται πᾶν· ἔστιν δὲ ὄντωσ ὄν, ὁπόταν μένῃ, μεταβαλὸν δὲ εἰσ ἄλλην ἕξιν διέφθαρται παντελῶσ. ἆρ’ οὖν κινήσεισ πάσασ εἰρήκαμεν ὡσ ἐν εἴδεσιν λαβεῖν μετ’ ἀριθμοῦ, πλήν γε, ὦ φίλοι, δυοῖν;