호흡부호 보기
강세부호 보기
장단부호 보기
작은 Iota 보기
모든 부호 보기
τί οὖν δὴ δρῷμεν ἂν ἢ καὶ λέγοιμεν πρὸσ αὐτούσ; ὠγαθέ, ἐπακούσωμεν αὐτῶν πρῶτον ἃ τῷ καταφρονεῖν ἡμῶν προσπαίζοντασ αὐτοὺσ λέγειν μαντεύομαι. ποῖα δή; ταῦτα τάχ’ ἂν ἐρεσχηλοῦντεσ εἴποιεν· ὦ ξένε Ἀθηναῖε καὶ Λακεδαιμόνιε καὶ Κνώσιε, ἀληθῆ λέγετε. ἡμῶν γὰρ οἱ μὲν τὸ παράπαν θεοὺσ οὐδαμῶσ νομίζομεν, οἱ δὲ οἱούσ ὑμεῖσ λέγετε. ἀξιοῦμεν δή, καθάπερ ὑμεῖσ ἠξιώκατε περὶ νόμων, πρὶν ἀπειλεῖν ἡμῖν σκληρῶσ, ὑμᾶσ πρότερον ἐπιχειρεῖν πείθειν καὶ διδάσκειν ὡσ εἰσὶ θεοί, τεκμήρια λέγοντεσ ἱκανά, καὶ ὅτι βελτίουσ ἢ παρὰ τὸ δίκαιον ὑπό τινων δώρων παρατρέπεσθαι κηλούμενοι.
호흡부호 보기
강세부호 보기
장단부호 보기
작은 Iota 보기
모든 부호 보기