Plato, Laws, book 9 35:

γένοιτο γοῦν ἄν, ὦ Κλεινία, κατὰ φύσιν μᾶλλον ἡμῖν ἡ σύνοψισ τῶν νόμων. ἴδωμεν γὰρ οὖν, ὦ πρὸσ θεῶν, τὸ τοιόνδε περὶ νομοθετῶν. τὸ ποῖον δή; γράμματα μέν που καὶ ἐν γράμμασιν λόγοι καὶ ἄλλων εἰσὶ πολλῶν ἐν ταῖσ πόλεσιν γεγραμμένοι, γράμματα δὲ καὶ τὰ τοῦ νομοθέτου καὶ λόγοι. πῶσ γὰρ οὔ; πότερον οὖν τοῖσ μὲν τῶν ἄλλων συγγράμμασιν, ποιητῶν καὶ ὅσοι ἄνευ μέτρων καὶ μετὰ μέτρων τὴν αὑτῶν εἰσ μνήμην συμβουλὴν περὶ βίου κατέθεντο συγγράψαντεσ, προσέχωμεν τὸν νοῦν, τοῖσ δὲ τῶν νομοθετῶν μὴ προσέχωμεν;