Plato, Laws, book 8 81:

τὸ δὴ λανθάνειν τούτων δρῶντά τι καλὸν παρ’ αὐτοῖσ ἔστω, νόμιμον ἔθει καὶ ἀγράφῳ νομισθὲν νόμῳ, τὸ δὲ μὴ λανθάνειν αἰσχρόν, ἀλλ’ οὐ τὸ μὴ πάντωσ δρᾶν. οὕτω τοῦτο αἰσχρὸν αὖ καὶ καλὸν δευτέρωσ ἂν ἡμῖν ἐν νόμῳ γενόμενον κέοιτο, ὀρθότητα ἔχον δευτέραν, καὶ τοὺσ τὰσ φύσεισ διεφθαρμένουσ, οὓσ ἥττουσ αὑτῶν προσαγορεύομεν, ἓν γένοσ ὄν, περιλαβόντα τρία γένη βιάζοιτ’ ἂν μὴ παρανομεῖν. ποῖα δή;