Plato, Laws, book 7 205:

τὸ ποῖον δή; τὸν μέγιστον θεὸν καὶ ὅλον τὸν κόσμον φαμὲν οὔτε ζητεῖν δεῖν οὔτε πολυπραγμονεῖν τὰσ αἰτίασ ἐρευνῶντασ ‐ οὐ γὰρ οὐδ’ ὅσιον εἶναι ‐ τὸ δὲ ἐοίκεν πᾶν τούτου τοὐναντίον γιγνόμενον ὀρθῶσ ἂν γίγνεσθαι. πῶσ εἶπεσ; παράδοξον μὲν τὸ λεγόμενον, καὶ οὐκ ἂν πρεσβύταισ τισ οἰηθείη πρέπειν· τὸ δὲ ἐπειδάν τίσ τι καλόν τε οἰηθῇ καὶ ἀληθὲσ μάθημα εἶναι καὶ πόλει συμφέρον καὶ τῷ θεῷ παντάπασι φίλον, οὐδενὶ δὴ τρόπῳ δυνατόν ἐστιν ἔτι μὴ φράζειν.