Plato, Laws, book 7 79:

τοιοῦτόν που πρέπον ἂν εἰή καὶ περὶ τὰσ τοιαύτασ ᾠδὰσ γιγνόμενον, καὶ δὴ καὶ στολή γέ που ταῖσ ἐπικηδείοισ ᾠδαῖσ οὐ στέφανοι πρέποιεν ἂν οὐδ’ ἐπίχρυσοι κόσμοι, πᾶν δὲ τοὐναντίον, ἵν’ ὅτι τάχιστα περὶ αὐτῶν λέγων ἀπαλλάττωμαι. τὸ δὲ τοσοῦτον ἡμᾶσ αὐτοὺσ ἐπανερωτῶ πάλιν, τῶν ἐκμαγείων ταῖσ ᾠδαῖσ εἰ πρῶτον ἓν τοῦθ’ ἡμῖν ἀρέσκον κείσθω. τὸ ποῖον; εὐφημία, καὶ δὴ καὶ τὸ τῆσ ᾠδῆσ γένοσ εὔφημον ἡμῖν πάντῃ πάντωσ ὑπαρχέτω;