호흡부호 보기
강세부호 보기
장단부호 보기
작은 Iota 보기
모든 부호 보기
ὅστισ δὴ διανοεῖται πόλεσιν ἀποφαίνεσθαι νόμουσ, πῇ τὰ δημόσια καὶ κοινὰ αὐτοὺσ χρὴ ζῆν πράττοντασ, τῶν δὲ ἰδίων ὅσον ἀνάγκη μηδὲ οἰέται δεῖν, ἐξουσίαν δὲ ἑκάστοισ εἶναι τὴν ἡμέραν ζῆν ὅπωσ ἂν ἐθέλῃ, καὶ μὴ πάντα διὰ τάξεωσ δεῖν γίγνεσθαι, προέμενοσ δὲ τὰ ἴδια ἀνομοθέτητα, ἡγεῖται τά γε κοινὰ καὶ δημόσια ἐθελήσειν αὐτοὺσ ζῆν διὰ νόμων, οὐκ ὀρθῶσ διανοεῖται. τίνοσ δὴ χάριν ταῦτα εἴρηται; τοῦδε, ὅτι φήσομεν δεῖν ἡμῖν τοὺσ νυμφίουσ μηδὲν διαφερόντωσ μηδὲ ἧττον ἐν συσσιτίοισ τὴν δίαιταν ποιεῖσθαι τοῦ πρὸ τῶν γάμων χρόνου γενομένου.
호흡부호 보기
강세부호 보기
장단부호 보기
작은 Iota 보기
모든 부호 보기