Plato, Laws, book 4 101:

πότερον οὕτωσ ἢ ἐκείνωσ ἰατρόσ τε ἰώμενοσ ἀμείνων καὶ γυμναστὴσ γυμνάζων· διχῇ τὴν μίαν ἀποτελῶν δύναμιν, ἢ μοναχῇ καὶ κατὰ τὸ χεῖρον τοῖν δυοῖν καὶ ἀγριώτερον ἀπεργαζόμενοσ; πολύ που διαφέρον, ὦ ξένε, τὸ διπλῇ. βούλει δὴ καὶ θεασώμεθα τὸ διπλοῦν τοῦτο καὶ ἁπλοῦν ἐν ταῖσ νομοθεσίαισ αὐταῖσ γιγνόμενον; πῶσ γὰρ οὐ βούλομαι; φέρε δὴ πρὸσ θεῶν, τίν’ ἄρα πρῶτον νόμον θεῖτ’ ἂν ὁ νομοθέτησ; ἆρ’ οὐ κατὰ φύσιν τὴν περὶ γενέσεωσ ἀρχὴν πρώτην πόλεων πέρι κατακοσμήσει ταῖσ τάξεσιν;