Plato, Laws, book 4 34:

οὐκοῦν ὅ γε πρὸσ ἕκαστόν τι τῶν εἰρημένων ἔχων τὴν τέχνην κἂν εὔξασθαί που δύναιτο ὀρθῶσ, τί παρὸν αὐτῷ διὰ τύχησ, τῆσ τέχνησ ἂν μόνον ἐπιδέοι; πάνυ μὲν οὖν. οἵ τε ἄλλοι γε δὴ πάντεσ οἱ νυνδὴ ῥηθέντεσ, κελευόμενοι τὴν αὑτῶν εὐχὴν εἰπεῖν, εἴποιεν ἄν. ἦ γάρ; τί μήν; ταὐτὸν δὴ καὶ νομοθέτησ οἶμαι δράσειεν. ἔγωγ’ οἶμαι. "φέρε δή, νομοθέτα," πρὸσ αὐτὸν φῶμεν, "τί σοι καὶ πῶσ πόλιν ἔχουσαν δῶμεν, ὃ λαβὼν ἕξεισ ὥστ’ ἐκ τῶν λοιπῶν αὐτὸσ τὴν πόλιν ἱκανῶσ διοικῆσαι;