Plato, Laws, book 3 46:

βασιλεία δὲ καταλύεται, ὦ πρὸσ Διόσ, ἢ καί τισ ἀρχὴ πώποτε κατελύθη, μῶν ὑπό τινων ἄλλων ἢ σφῶν αὐτῶν; ἢ νυνδὴ μέν, ὀλίγον ἔμπροσθεν τούτοισ περιτυχόντεσ τοῖσ λόγοισ, οὕτω ταῦτ’ ἐτίθεμεν, νῦν δ’ ἐπιλελήσμεθα; καὶ πῶσ; οὐκοῦν νῦν δὴ μᾶλλον βεβαιωσόμεθα τὸ τοιοῦτον· περιτυχόντεσ γὰρ ἔργοισ γενομένοισ, ὡσ ἐοίκεν, ἐπὶ τὸν αὐτὸν λόγον ἐληλύθαμεν, ὥστε οὐ περὶ κενόν τι ζητήσομεν τὸν αὐτὸν λόγον, ἀλλὰ περὶ γεγονόσ τε καὶ ἔχον ἀλήθειαν.