Plato, Laws, book 3 45:

τὸ δὲ δὴ μετὰ τοῦτο ἔδοξεν αὐτοῖσ, ὥσ γε λέγεται τὸ τοῦ μύθου, τριχῇ τὸ στράτευμα διανείμαντασ, τρεῖσ πόλεισ κατοικίζειν, Ἄργοσ, Μεσσήνην, Λακεδαίμονα. πάνυ μὲν οὖν. καὶ βασιλεὺσ μὲν Ἄργουσ Τήμενοσ ἐγίγνετο, Μεσσήνησ δὲ Κρεσφόντησ, Λακεδαίμονοσ δὲ Προκλῆσ καὶ Εὐρυσθένησ. πῶσ γὰρ οὔ; καὶ πάντεσ δὴ τούτοισ ὤμοσαν οἱ τότε βοηθήσειν, ἐάν τισ τὴν βασιλείαν αὐτῶν διαφθείρῃ. τί μήν;