Plato, Laws, book 3 13:

ἆρ’ οἰόμεθα, ὦ θαυμάσιε, τοὺσ τότε, ἀπείρουσ ὄντασ πολλῶν μὲν καλῶν τῶν κατὰ τὰ ἄστη, πολλῶν δὲ καὶ τῶν ἐναντίων, τελέουσ πρὸσ ἀρετὴν ἢ πρὸσ κακίαν γεγονέναι; καλῶσ εἶπεσ, καὶ μανθάνομεν ὃ λέγεισ. οὐκοῦν προϊόντοσ μὲν τοῦ χρόνου, πληθύοντοσ δ’ ἡμῶν τοῦ γένουσ, εἰσ πάντα τὰ νῦν καθεστηκότα προελήλυθεν πάντα; ὀρθότατα. οὐκ ἐξαίφνησ γε, ὡσ εἰκόσ, κατὰ σμικρὸν δὲ ἐν παμπόλλῳ τινὶ χρόνῳ.