Plato, Laws, book 3 8:

θῶμεν δὴ τὰσ ἐν τοῖσ πεδίοισ πόλεισ καὶ πρὸσ θαλάττῃ κατοικούσασ ἄρδην ἐν τῷ τότε χρόνῳ διαφθείρεσθαι; θῶμεν. οὐκοῦν ὄργανά τε πάντα ἀπόλλυσθαι, καὶ εἴ τι τέχνησ ἦν ἐχόμενον σπουδαίωσ ηὑρημένον ἢ πολιτικῆσ ἢ καὶ σοφίασ τινὸσ ἑτέρασ, πάντα ἔρρειν ταῦτα ἐν τῷ τότε χρόνῳ φήσομεν; πῶσ γὰρ ἄν, ὦ ἄριστε, εἴ γε ἔμενεν τάδε οὕτω τὸν πάντα χρόνον ὡσ νῦν διακεκόσμηται, καινὸν ἀνηυρίσκετό ποτε καὶ ὁτιοῦν;