Plato, Laws, book 1 103:

παιδεία μὲν οὖν φέρει καὶ νίκην, νίκη δ’ ἐνίοτε ἀπαιδευσίαν· πολλοὶ γὰρ ὑβριστότεροι διὰ πολέμων νίκασ γενόμενοι μυρίων ἄλλων κακῶν δι’ ὕβριν ἐνεπλήσθησαν, καὶ παιδεία μὲν οὐδεπώποτε γέγονεν Καδμεία, νῖκαι δὲ ἀνθρώποισ πολλαὶ δὴ τοιαῦται γεγόνασίν τε καὶ ἔσονται. δοκεῖσ ἡμῖν, ὦ φίλε, τὴν ἐν τοῖσ οἴνοισ κοινὴν διατριβὴν ὡσ εἰσ παιδείασ μεγάλην μοῖραν τείνουσαν λέγειν, ἂν ὀρθῶσ γίγνηται.