Plato, Cratylus, Theaetetus, Sophist, Statesman, Σοφιστής 108:

οὐ γὰρ δὴ γεωργόν γε ἐρεῖσ τινα· καὶ γὰρ ζῴων αὐτὸν εἶπεσ ποιητήν. φημί, καὶ πρόσ γε θαλάττησ καὶ γῆσ καὶ οὐρανοῦ καὶ θεῶν καὶ τῶν ἄλλων συμπάντων· καὶ τοίνυν καὶ ταχὺ ποιήσασ αὐτῶν ἕκαστα πάνυ σμικροῦ νομίσματοσ ἀποδίδοται. παιδιὰν λέγεισ τινά. τί δέ; τὴν τοῦ λέγοντοσ ὅτι πάντα οἶδε καὶ ταῦτα ἕτερον ἂν διδάξειεν ὀλίγου καὶ ἐν ὀλίγῳ χρόνῳ, μῶν οὐ παιδιὰν νομιστέον; πάντωσ που.